Qýaty eń joǵary kompıýter bıyl tanystyrylýy múmkin

Qýaty 1 eksaflopsty quraıtyn qytaılyq sýperkompıýterdiń prototıpi osy jyldyń sońyna taman tanystyrylýy múmkin. Bul týraly RIA «Novostı» aqparat agenttigi habarlady. О́tken jyldyń qarasha aıynda Qytaı mamandary álemdegi qýaty kúshti kompıýterdiń prototıpin jasaýǵa kiriskeni belgili bolǵan. Qytaı Halyq Respýblıkasynyń esepteý tehnıka jáne tehnologııasy ulttyq zertteý ortalyǵynyń ınjeneri Chjan Tın kompıýterdiń daıyn eseptik júıesi tek 2020 jyly ǵana shyǵatynyn málimdedi. Onyń aıtýynsha, búginde jetekshi mamandardyń oń baǵasyna ıe bolǵan Sunway TaihuLight-ten onyń kúshi 200 ese joǵary bolmaq. О́tken jyldyń qarasha aıynda Sunway TaihuLight qýaty joǵary 500 kompıýterdiń reıtınginde kezekti ret kósh bastady. Buǵan deıin 2016 jyldyń maýsym aıynda birinshi orynnan kóringen. Onyń esepteýish jyldamdyǵy 93 petaflopsty quraıdy. Maýsymdaǵy kórsetkishte ekinshi orynǵa taǵy bir qytaılyq «Tıanhe-2» kompıýteri ornalasty. Onyń esepteýish jyldamdyǵy – 33,9 petaflops. Aıta keteıik, Sunway TaihuLight 10,65 mıllıon ıadrodan, 41 myń túıinnen turady. Al osy jyldyń sońyna taman prototıpi tanystyrylatyn kompıýter Aspanasty eliniń esepteý tehnıka jáne tehnologııasy ulttyq zertteý ortalyǵy daıyndap jatyr.