О́tkirlik pen ómirsheńdik

Ideıa úlken mıssııa kóteredi. Kórkem týyndynyń túpki aıtar oıy mańyzdy. Tabıǵa­tyn túsiný úshin. «Almas qylysh» fılminiń maz­muny­nan, kórkemdik sapasynan buryn astarly oıyn oqý mańyzdyraq. О́zimizdi taný úshin. Bolmysymyzdy. Maq­saty­myzdy. Múddemizdi. О́tkenge tartys týdyryp qajet emes. Onyń kýágerleri joq. Tarıhı aıǵaq bar. Bul bizdiń keń baıtaq jerimiz. Shekaramyz. Enshimiz. Jeńis ár ultqa da qajet. Táýelsizdigi úshin. Tynyshtyǵy úshin. Erkindigi úshin. Jer men shekara úshin mámi­lege kelý qıyn. Árkim óz múd­desi úshin kúresedi. Qazaq han­dyǵyn qurýdyń túpki maqsaty da osy edi. Táýelsizdik úshin. Qan tógilgen. Qansha ǵasyr. Kúres júrgen. Jer sharynda jer kóp. Biraq, peıil tar. Osy peıil­der­diń soǵysy saıasatpen ólshenedi. Minezsiz sheshilmeıdi. Aqyl-parasatsyz aıqyndalmaıdy. Kóregendiksiz keleshegiń kórin­beıdi. Kóshbasshysyz kóshiń maq­satty jerine jetpeıdi. Kereı men Jánibektiń kúresiniń jalǵyz máni de osy. Fılmde biz nazar aýdaratyn basty qundylyq bar. О́te utymdy teńeý. Durys boljam. Naqty minezdeme. Rýhymyzǵa. Bolmysymyzǵa. Bul jazýshy Ilııas Esenberlınniń taqyryp tańdaýdaǵy utymdylyǵy. Bizdiń almastaı ótkirligimiz. Teńdessiz aıbynymyz. О́lispeı berispeıtin minezimiz. Úlkenniń jolyn kespegen izgi nıetimiz. Aǵaǵa ini qulaq túrgen, úlkenge kishi arqa súıegen zaman. Birligi úshin birikken, tynyshtyǵy úshin jumyla kúresken. Ýáde­ge berik bolǵan. О́zine sengen­niń soıylyn soqqan. Sem­serin sebepsiz sermemegen. Ekran­daǵy tarıh betteri osy qasıet­terimizdi qaıta eske saldy. Fılm ıdeıasynyń óresi jetken kórermenge aqyryn aqtaratyn syry bar. Basty kilt – almas qylyshta. Aldaǵy maqsatymyzdy eske salatyn. Kúshpen kóp nárseni ustap turý múmkin emes. Bilektiń kúshimen. Fılmdegi basty ıdeıa osynda. Qaýqarymyz basqada. Almas qylyshtaı ótkir minezimizdi qoldanýdyń basqa da utymdy joly bar. Onyń kúshi – bilimde. Endigi maqsat – almas taspen kómkerilgen táj kııý. Álemdik saıasattyń sahnasynda. Aqyl, bilim, danalyqtyń bar kúshi osy maqsatqa jumyl­dyrylsa ıgi. Biz kóregen ulttyń urpaǵymyz. Máńgilik elge aınalý basty múddemiz. «Almas qylysh» ıdeıasynyń bar aıtpaǵy da osynda. Gúlzat KО́BEK, kınotanýshy, ónertaný PhD doktory, Turan ýnıversıtetiniń professory