Túrkııadaǵy túngi klýbta oq atqan terrorshy kim?

Jyl basynda Túrkııanyń Ystanbul qalasyndaǵy túngi klýbtardyń birinde oq atyp, 69 adamdy jaraqattady jáne 39 beıkúná adamdy óltirdi degen kúdikpen Abdýlqadyr Masharıpov ustaldy.  Beıresmı málimetterge súıensek, kúdikti О́zbekstannyń týmasy kórinedi. Orys, qytaı, ózbek jáne arab tilderin meń­ger­gen ol Túrkııaǵa  Iran ar­­qyly ótken sııaqty. Ábý Muhammed ál-Horasanı laqap aty­men tanymal kúdikti bu­ǵan deıin Aýǵanstanda bolyp, daıyn­dyqtan ótipti. 15 jel­to­q­san kúni shekaradan ót­ken onyń azamattyq nekedegi áıeli­nen eki balasy bar eken. Bul tý­raly Ystanbul ákimi Vasıp Shahın málimdedi. Vasıp Shahınniń aıtýynsha, kúdikti qazir óziniń qanquıly áreketin tolyq moıyndaǵan. Qalanyń Esenjurt aýdany­n­daǵy úılerdiń birinde ja­syrynǵan onyń qasynda taǵy bir Irak azamaty (keı derekterde Qyrǵyzstan týmasy) men úsh áıel adam bolǵan. Olar Senegal, Mysyr jáne Somalı týmalary bolyp shyqty. Úsheýi Túrkııaǵa «Islam memleketi» terrorlyq uıymyna múshe bolý úshin kelgen. Uıymdaǵy bulardyń mindeti lańkesterge kerek-jaraqty dúkennen satyp alyp, tıisti jerge berip jiberý bolǵan eken. Bulardan bólek, jalpy, osy qylmysqa qatysty 50 shaqty adam ustalǵany erterekte habarlanǵan edi. Qandy qyrǵyndy bir­den «Is­lam memleketi» terror­lyq uıymy óz moınyna al­­dy. Terrorlyq uıym mun­daı qadamǵa Sırııadaǵy saıası tu­raq­syzdyq úshin baryp otyr­ǵa­nyn málimdedi. Tártip saqshylarynyń 16 kún boıy izdegen kúdiktilerdi ustaýda kóshedegi baqylaý ka­meralarynyń septigi kóp tı­gen kórinedi. Ystanbul qa­lalyq tártip saqshylary ókil­deriniń málimetine súı­ensek, túngi klýbta oq at­qan­nan keıin qashyp shyqqan kúdikti Esenjurt aýdanynda aldyn-ala daıyndalǵan páterge baryp tyǵylý úshin  segiz taksı aýystyryp mingen. Kúdiktiniń qolynan qa­za tap­­qandardyń arasynda Izraıl, Fransııa, Týnıs, Lıvııa, Úndistan, Belgııa, Iordanııa, Kanada, Irak pen Saýd Arabııasynyń azamattary bolǵan. Jalpy, túngi klýbta oq atý kezinde 700 adam bolsa, kóbi sheteldikter kórinedi. Qaladaǵy eń qymbat degen túngi klýbtardyń biri sanalatyn «Reına» klýby negizinen shet­eldikterdiń keletin orny sanalady. Oqı­ǵa­dan sál erterek, ótken jyl­dyń 10 jel­toq­sanynda Ystanbuldyń Vodafon arenasyn­da 44 adam­­­nyń ómirin qıǵan te­r­ror­­­lyq áre­ketten keıin Reı­na klý­bynyń ákimshiligi feıs­býktegi paraqshasynda qaza tap­qan azamattardyń ja­qyn­da­ryna kóńil aıtqan jazba qaldyrǵan eken. 31 jeltoqsan kúni bolǵan terrorlyq áreketten keıin túngi klýbtyń ıesi Mehmet Kodjarslannyń tártip saq­shylary tarapynan jaýap­qa tartylmaǵanyna narazy bolǵan kópshilik ony da jaýap­qa tartýdy talap etken bolatyn. О́ıtkeni, 10 jel­toq­­sandaǵy oqıǵadan keıin qaladaǵy kóp­shi­lik oryndar qaýipsizdikti kú­sheıtken. Al Reına túngi klýb­ynyń ákim­­shiligi kóp ýaqyt ótpeı qaıtadan qalypty jumys tártibine kóshken. Halyqtyń talaby boıynsha 4 qańtar kúni klýb qojaıynyn jaýapqa tartqan jergilikti polısııa keıin ony bosatqan kórinedi. Ystanbul polısııasy qa­zir kúdik­ti­ Abdýlqadyr Masha­rıpovke qatysty tergeý sha­ralaryn jú­r­gizip jatyr. Baýyrjan MUQANOV, «Egemen Qazaqstan»