Fýtzaldan QR quramasy «álemniń úzdik ulttyq komandasy» ataǵyna usynyldy

Futsal Planet basylymy 2016 jyldyń qorytyndysy boıynsha «álemniń úzdik quramasy» syılyǵyna úmitkerlerdi atady, dep habarlady Vesti.kz. Marapat úshin 10 komanda baq talastyrýda. 2016 jyly qazaqstandyqtar Eýropa chempıonatynda alǵash ret óner kórsetip, «qolany» enshilegen bolatyn. Budan keıin, álem chempıonatynyń pleı-off kezeńine ótti. Komanda mundaı nátıjege brazılııalyq maman Kakaýdyń arqasynda qol jetkizdi. Alaıda, Kakaý álem chempıonatynan keıin qyzmetinen ketti. Futsal Planet-tiń júldesine úmitkerlerdiń arasynda sondaı-aq Reseıdiń erler jáne áıelder quramalary, Argentınanyń ulttyq jáne jastar quramalary, Brazılııanyń áıelder quramasy (20 jasqa deıingi), Mysyr, Iran, Portýgalııa jáne Ispanııanyń ulttyq komandalary. Futsal Planet júldesi álemdik fýtzalda bedeldi syılyq bolyp tabylady. Jeńimpaz bútin álem sarapshylarynyń daýys berýi arqyly anyqtalady. Aıta keteıik, «Qaırattyń» jáne Qazaqstan quramasynyń qaqpashysy Igıta álemniń úzdik golkıperi ataǵyna usynylyp otyr.