Bilim grantyn aldy

Bilim jáne ǵylym mınıstrligi joǵary oqý oryndarynda aqyly bilim alyp jatqan 2 myńnan astam stýdentke tegin bilim grantyn ból­gen eken. Árıne, granttardy berý úshin mınıstrlikte arnaıy komıssııa qu­ry­lyp, oqýǵa degen yn­tasy mol, bo­la­shaǵy zor jastar iriktelip alyn­ǵany belgili. Nátıje­sin­de elimizdegi 70 joǵary oqý oryn­darynda aqyly bilim alyp júrgen 11 615 stýdenttiń 2206-y memlekettik tegin bilim gran­tyna laıyq dep tanyldy. Olardyń qatarynda bizdiń oblystan da stýdentter bar. Al, jalpy, bilim grant­tarynyń basym bóligi agronomııa, tehnıka jáne sport ma­man­dyq­tary boıynsha oqyp jat­qan jas­tar­ǵ­a bólinipti. Al, bul óndiristi óńir úshin jáne qazaq jastarynyń jańa tehnı­kanyń tilin taýyp, úırenip, zaýyt, kásip­oryn­darǵa jumysqa kelýleri kóp­shiliktiń kókeıinde júr­gen máse­le. Jýyrda oblys orta­ly­ǵyn­daǵy «Dostyq» úıinde tegin bilim grant­taryn jeńip alǵan stýdentterge kýá­lik tapsyrý saltanaty ótti. Olardyń qatarynda oblys or­talyǵyndaǵy In­­nova­sııa­lyq Eýrazııa ýnıversıteti «Kóliktiń eksplýa­ta­sııasy jáne ta­sy­­mal­daýyn uıym­das­tyrý», pedago­gı­ka­lyq ınstıtýt­tyń «Dene tár­bıesi jáne sport», Sultanmahmut To­­raı­ǵyrov atyn­da­ǵy memlekettik ýnı­versıtettiń agronomııa, Ekibas­tuz­daǵy Qanysh Sát­baev atyndaǵy ınjenerlik-teh­nı­kalyq ınstıtýty «Kólik, kóliktik tehnıka jáne tehnologııa» maman­dyqtary boıynsha bilim grantyn jeńip alǵan bir top stýdentter bar. Grant ıegerleriniń aty­nan stýdentter Sabına Saǵynae­va men Asqar Tynybaevtar memleket kór­setken bul qamqorlyqty aq­tap, aldaǵy ýa­qyt­t­a senimnen shyǵatyn­daryn jetkizdi. Farıda BYQAI, Pavlodar.