OQO-da "Shatqal" baǵdarlamasy qabyldandy

Ońtústik Qazaqstan oblysynda «Shatqal» baǵdarlamasy qabyldandy. Elimizde alǵash ret qolǵa alynǵan baǵdarlama aıasynda bıyl Shymkent aımaǵyndaǵy 100 gektarǵa jýyq saı-salalarda 5 saıabaq kesheni salynady. Bul týraly oblys ákiminiń orynbasary Jaqyp Bókenbaev, Tabıǵı resýrstar jáne tabıǵatty qorǵaý basqarmasynyń basshysy Muhıt Otarshıev pen Shymkent qalasy ákiminiń orynbasary Beısenbek Janbosynov Aımaqtyq kommýnıkasııalar qyzmetinde ótken baspasóz máslıhatynda baıandady. – Oblys ákimi Janseıit Túımebaevtyń tapsyrmasymen arnaıy baǵdarlama qabyldanyp, óńirdegi tabıǵı shatqaldarda demalys oryndaryn qalyptastyrý jumystary bastaldy. Saıabaq salýǵa bos jeri joq Shymkentte mundaı saı-salalar men jasyl beldeýdiń jalpy kólemi 16,8 myń gektardy quraıdy. Qaraýsyz qalǵan shatqaldardy kógaldandyryp, ınfraqurylym jumystaryn júrgizip, sýburqaqtar, aıaqjoldar, ashyq teatrlandyrylǵan sahnalar, taǵy basqa da halyqqa qyzmet kórsetý oryndaryn salyp, demalys keshenderine aınaldyramyz. Osyndaı jobalar jasap, júzege asyrý oblystaǵy basqa aýdan-qala basshylaryna mindetteldi, – dedi oblys ákiminiń orynbasary J.Bókenbaev. M.Otarshıevtiń aıtýynsha, qalanyń jasyl beldeýin qalyptastyrý maqsatynda 5 myńnan astam gektarda 4 mıllıon 200 myń túp kóshet egilgen. Onyń 52 myńy sońǵy úsh aıda otyrǵyzylǵan. Oǵan shatqaldardy qosqanda naýryz aıyna deıin taǵy 100 túpti egý josparda bar. «О́ńirimizdegi eń úlken «Jasyl jelek» tuqymbaǵynda taldyń 40-tan astam túri bar. Búginde onda 3,5 mıllıonǵa jýyq kóshet ósirilýde. Budan basqa Orman sharýashylyǵynyń jekelegen tuqymbaqtarynan da kóshet alýǵa bolady», dedi basqarma basshysy M.Otarshıev. «Shatqal» baǵdarlamasy birinshi kezeńinde salynatyn 5 shatqaldy alǵashqysyna 2017 jyldyń 14 qańtarynda  1718 túp kóshet egilip, «Shymsaıa» degen ataý berildi. 25 gektarǵa qaraǵaı, arsha, emen, shaǵan, talshyn sekildi boıshań aǵashtar otyryǵyzyldy. Senbilikke stýdentter, memlekettik mekeme qyzmetkerleri men orman sharýashylyǵy qyzmetkerleri, jalpy sany 600-den astam adam men 20-dan astam tehnıka jumyldyryldy. «Shymkenttegi 8 saıabaq, 30 skver, 1 dendrosaıabaqtyń jalpy aýmaǵy jasyl jelekpen qosqanda 300 gektardy quraıdy. Muny mıllıon turǵynǵa shaqsańyz, adam basyna bar bolǵany 3-aq sharshy metrden keledi. Bul bir adamǵa bir taldan keledi degen sóz. Al sanıtarlyq talaptar boıynsha qalada árbir adamǵa 16 sharshy metr jasyl jelek bolý kerek. Sondyqtan oblys ákiminiń bastamasymen qolǵa alynǵan baǵdarlama óte durys. Biraq qala aýmaǵyndaǵy  saı-salalardy kógaldandyrý memelekettik qyzmetkerlerdiń ǵana mindeti bolyp sanalmaıdy. Oǵan barshamyz atsalysýymyz kerek», – dedi qala ákiminiń orynbasary B.Janbosynov. Shatqaldardaǵy saıabaqtarda mádenı keshter uıymdastyrylatyn amfıteatrlardan bólek balalar alańshasy, shahmat pen doıby alańy, velojoldar, sporttyq jattyǵý alańdary salynyp el ıgiligine beriledi.