Ońtústik Koreıa Aral teńizine 1,5 mln dollar bóledi

Ońtústik Koreıa Respýblıkasy Aral teńiziniń qurǵap qalǵan ultanynda fıtoormanmelıorasııalyq jumystar júrgizý úshin 1,5 mln AQSh dollaryn bólýdi josparlap otyr. Bul týraly Qyzylorda oblysynyń tabıǵı resýrstar jáne tabıǵat paıdalanýdy retteý basqarmasynyń basshysy Erkebulan Bekjanov О́ńirlik kommýnıkasııalar qyzmetinde ótken baspasóz máslıhatynda málim etti, dep habarlady oblys ákimdiginiń baspasóz qyzmeti. Bul Qazaqstan men Ońtústik Koreıa Respýblıkasy arasyndaǵy ózara túsinistik týraly memorandýmǵa saı júzege asyrylmaq. Ol qarjyǵa aýyl sharýashylyǵymen aınalysatyn eldi-mekenderdiń aýmaǵyn Aral teńizinen ushqan shań men tuzdardan qorǵaıtyn sekseýil egiledi. «Jasyl beldeýler» qurý jobasyn jasaý arqyly Aral teńiziniń Qazaqstan bóligindegi tabıǵı resýrstardyń ekojúıelerin saqtap, jergilikti halyqtyń ómir súrý deńgeıin jasartýǵa qol jetkizilmek. Sonymen qatar, basqarma basshysynyń aıtýynsha oblysta qýattylyǵy 11 myń tonna bolatyn 8 balyq óńdeý zaýyttary jumys jasaýda.