2017 jyldyń eń arzan týrıstik baǵyttary anyqtaldy

2017 jyly Portýgalııanyń ońtústigindegi Algarvı aımaǵy eń arzan týrıstik baǵyt dep tanyldy. Mundaı qorytyndyny brıtanııalyq Post Office kompanııasynyń sarapshylary shyǵarǵan. Bul týraly reactor.inform.kz habarlady. Mamandar birneshe eldegi taýarlar men qyzmetterdiń qunyn eseptep, zertteý júrgizgen. Tipti sý, kofe, koka-kola, kúnnen qorǵaıtyn krem, jándikterge qarsy zattardyń baǵasyna deıin esepke alǵan. Algarvıde osy qyzmetterdiń jıyntyq quny 37,95 eýrony quraǵan. Ekinshi orynda Bolgarııa jaǵalaýy tur. Mundaǵy túski as, sýsyndar men ózge de qajetti taýarlar baǵasy 38,14 eýroǵa túspek. Al úshtikti ońtústik Ispanııadaǵy Kosta-del-Sol aımaǵy qorytyndylaıdy. Mundaǵy baǵa kórsetkishi 44,12 eýro. Reıtıngtegi tórtinshi orynǵa Jerorta teńiziniń jaǵalaýyndaǵy túrik kýrorty Marmarıs turaqtaǵan. Qyzmet quny 56,56 eýro. Besinshi orynda Praga (58,91 eýro). 12 eldiń arasynda Kıprdiń ońtústik-batysyndaǵy Pafos qalasy, Býdapesht, Tokıo, Maltadaǵy Slıma eldimekeni, Gresııadaǵy Korfý araly, OAR-daǵy Keıptaýn men Meksıkadaǵy Kankýn bar. О́tken jyldyń jeltoqsanynda bıylǵy eń qymbat aımaqtar retinde Vetnam tanylǵan. Forbes jýrnalynyń nusqasy boıynsha qymbat úshtikte qyrǵyz astanasy Bishkek pen Portýgalııanyń Lıssabony bar.