Aqan Sataev Tomırıs týraly fılm túsiredi

Tanymal rejısser Aqan Sataev saqtardyń kóshbasshysy - Tumar hanshaıym týraly tarıhı fılmdi túsirýdi josparlap júr, dep habarlaıdy QazAqparat. «Iá, dál osy kınony túsirýge úlken nıet bar. Biz álemdik tarıhty ózgertken tulǵalar týraly tarıhı fılmderdi túsirýimiz kerek. Osyny tıisti deńgeıde, halyqaralyq dárejede jasaı alatyn bolsaq, halyqtyń kóńilinen shyǵyp qana qoımaı, fılmge ketken shyǵyndy da tolyǵymen aqtaı alamyz. Ondaı kartınalardy Taıaý Shyǵys, Amerıka jáne taǵy basqa elderge halyqaralyq prokatqa shyǵarýǵa bolady», - dedi Sataev. Onyń aıtýynsha, búginde fılmniń sınopsısi, ıaǵnı ssenarııdiń qysqartylǵan nusqasy daıyn. Qarjy máselesi áli sheshilmegen. Degenmen, rejısser túsirý jumystaryn aǵymdaǵy jyldan qalmaı bastaýǵa nıetti. Aıta keteıik, esimi ejelgi jazbalarda kezdesetin Tomırıs saqtardyń baıyrǵy zamanda el bılegen ataqty hanshaıymy.