«Bata»

Qaıbir kúni tús qaıta asr namazyn oqı salaıyn dep qonaq kútetin úlken bólmege  kirsem, kelinshegim odeıalmen búr­kenip uıyqtap jatyr eken. Oıatyp almaıyn dep aqyryn basyp týra janyna jaınamaz jaıyp, namaz oqydym. Kúndizgi namazdy daýys shyǵarmaı oqısyń ǵoı. Oıaý jatsa da, uıyqtap jatsa da kelinshegim bylq etpedi. Oıyma qýlyq kele qal­dy. Namazdy aıaqtap, bata qylyp qoısam da sońynda daýysymdy shyǵaryńqyrap bylaı dep kúbirledim: – Iá, Alla, namazymdy qa­byl ete gór! Otbasymdy aman-esen, baı-baqýatty etip, sha­ńyraǵymdy shattyqqa bóle... Kózimniń qıyǵymen dı­van jaqqa qaraımyn. Esh­qandaı qımyl joq. – Iá, Alla, kelinshe­gimniń tilegin qabyl ete gór! Kópten beri armandap júrgen shýbasy men kóılegin alýǵa járdem et!.. Altyndarynyń lom­bard­qa ótip ketýinen saq­taı gór!.. Baıqaımyn, odeıaldyń asty jybyr-jybyr ete qal­dy. – Iá, Alla, kelinshegim ne tilese de qabyl etip, ala almaı júrgen kıimderin alýyna, jarqyrap kıinip júrýine jaǵdaı jasaı, gór!.. Áýmın! Sóıtsem, kelinshegim odeıal­­dyń astynan basyn shyǵaryp: – Úıdiń remontyn aıt­pa­dyń ǵoı, – deıdi. Oralhan DÁÝIT, «Egemen Qazaqstan»