Ýnıversıadaǵa usynylǵan mádenı syn

Almatyda alaýy jaǵylatyn HHVIII qysqy Ýnıversıada qurmetine oraı 20 qańtardan bastap 10 aqpan aralyǵynda qala teatrlary, konsert zaldary, murajaılary men kitaphanalarynda, sondaı-aq, sporttyq nysandarynda mádenı is-sharalar ótkiziledi. Eń úlken mádenı baǵdarlamany Abaı atyn­daǵy Qazaq memlekettik akade­mııalyq opera jáne balet teatry jáne M.Lermontov atyndaǵy orys memlekettik akademııalyq drama teatry daıyndamaq. Sondaı-aq, M.Áýezov atyndaǵy Qazaq memlekettik akademııalyq teatry, Koreı memlekettik respýblıkalyq mýzykalyq komedııa teatry, Q.Qojamııarov atyndaǵy uıǵyr memlekettik respýblıkalyq mýzy­kalyq komedııa teatry da úzdik qoıylymdardy sahnalaıdy. Jambyl atyndaǵy Qazaq memlekettik fılarmonııasynda mazmundy mádenı baǵdarlama qarastyrylǵan, sonyń ishinde Qazaqstannyń eńbek sińirgen ártisi Ǵ.Nesipbaevtyń jetekshilik etýimen organ mýzyka keshi, úrmeli aspaptar orkestriniń konserti, halyqaralyq baıqaýlardyń laý­reattary Janar Súleımenova, Amıra Beısenǵalıeva jáne bas­qa da ártisterdiń konsertteri uıymdastyrylady. «Alataý» teatrynyń aýma­ǵynda «Alataý alabynda» etno-fes­tıvali ótkizilmek. 29 qań­tarda ashylyp, Ýnıversıada aıaqtalǵansha jumys isteıtin atalǵan etno-festıval kezinde qolónershilerdiń kórmesi ótkizilip, pavılondar, kıiz úıler, dástúrli ınstallıasııalar qoıylady, ult­tyq taǵam túrleri tanystyrylady. Qalanyń kitaphanalary men murajaılarynda sport taqyrybyna arnalǵan kórmeler, vırtýaldyq slaıd-saıahattar, sondaı-aq, elimizdiń sportshylary men sport salasynyń ókilderimen kezdesýler ótkiziledi. Sondaı-aq, Ýnıversıada ótki­ziletin búkil kezeńde, ıaǵnı 29 qań­tarmen 8 aqpan aralyǵynda Qazaq memlekettik sır­kinde 2017 jylǵy HHVIII Dúnıe­júzilik qys­qy Ýnı­ver­sıadaǵa arnal­ǵan arnaıy sırk baǵdarlamasy, al 10 aqpanda Respýblıka saraıyn­da Qazaqstannyń eńbek sińirgen qaıratkeri Seıdolla Baıte­rekovtiń shyǵarmashylyǵyna arnal­ǵan «Jan dosym» konserti uıym­dastyrylady. «Egemen-aqparat»