Úshbulaqtaǵy jańa bilim oshaǵy

Taıaýda Kúrshim aýdanynyń Úshbulaq aýylynda jańa mektep ashyldy. 80 oryndyq jańa mekteptiń bıologııa, hımııa, fızıka pánderine arnalǵan synyptary men zerthanalary sony úlgidegi tehnıkalyq qu­raldarmen jabdyqtalǵan jáne ınteraktıvti taqtamen, kompıý­ter synybymen qamtamasyz etil­gen. Mektep qurylysyna 240 mıl­lıon teńgege jýyq qarajat jum­saldy. Kúrshim aýdanynyń ákimi Seısenǵazy Chýkaevtyń aıtýynsha, táýelsizdiktiń shırek ǵasyry ishinde Kúrshim-Marqa óńirinde 16 jańa mektep boı kóterdi. – Elbasy Nursultan Nazarbaevtyń «Biz bilim-ǵylym sala­synda básekege qabiletti bol­masaq, óz maqsatymyzǵa jete almaımyz. Barlyǵy mektepten, al Qazaqstan úshin aýyl mektebinen bastalady», degen sózi bar. Iаǵnı, Memleket basshysy atap ót­kendeı, bolashaǵymyzdyń jar­qyn bolýy keleshekte el tiz­gi­nin us­taıtyn búgingi urpaq­tyń en­­shisinde. Son­dyq­tan, eli­miz­de jas býynnyń bilim alýyna bar­lyq jaǵdaı jasalyp otyr, – dedi aý­­dan basshysy. Úshbulaq aýylynyń baıyrǵy tur­ǵyny, tyl ardageri Muhtarhan Aqpyshev keshegi zamannan búgingi kúnniń ozǵanyn, táýelsizdiktiń el baǵyna berilgen erekshe qasterli qundylyq ekenin jetkizdi. Sonyń bir jarqyn kórinisi – úshbulaqtyq balalarǵa bilim beretin zamanaýı mek­teptiń paıdalanýǵa berilýi, dedi aýyl aqsaqaly. Dýman ANASh, «Egemen Qazaqstan» Shyǵys Qazaqstan oblysy, Kúrshim aýdany