Mektepter avtobýspen qamtyldy

Bul aýyl turǵyndary úshin kópten kútken qýanysh edi. Semeıde 8 mektep ujymyna avtobýs kiltteri tabys etildi. Ata-analar men ustazdar aýyl balalary úshin jasalyp otyrǵan qamqorlyqqa rızashylyqtaryn bildirdi. Munyń ishinde №10, 21, 34 jáne Ozerka, Bulaq, Prıgorod, Shaqaman aýyldarynyń bilim oshaqtary bar. – Ásirese, aýyl balalary úshin mektepke qatynaý endi qolaıly bolady, – dedi aýyl turǵyny Arynbek Nurtaev, – buryndary eski avtobýs jıi synyp qalatyn, oqýshylardy jetkizý úshin kólik izdeıtinbiz. Endi mine, bul másele ońtaıly sheshildi. Mektep muǵalimi Baıan Aqqalıevanyń aı­týynsha, aýyl mektepterimen birge qala mektepteri de avtobýspen qamtylyp otyr. Bul da bir ıgi is. Budan buryn tómengi synyp oqýshylaryn teatr, sırk, mýzeı sııaqty mádenı oryndarǵa jetkizý úshin adam avtobýstarǵa otyratynbyz. Endi mine, bul olqylyqtyń orny toltyryldy. Raýshan NUǴMANBEKOVA SEMEI