Qytaıdan shyqqan júk poıyzy Londonǵa jetti

Qytaıdan 1 qańtar kúni shyqqan júk poıyzy Londonǵa jetti, dep jazady BBC.

Júk poıyzy quramy Qazaqstan, Reseı, Belarýs, Polsha, Germanııa, Belgııa men Fransııa arqyly bardy. 12 shaqyrymdyq joldy poıyz quramy 18 kún júrip ótti. Júk poıyzyna negizinen kıim-keshek pen Qytaıda jasalǵan ózge de keńinen paıdalanylatyn taýarlar tıelgen. Quramda jalpy sany 34 konteıner boldy. Osy baǵyt boıynsha endi júk poıyzy apta saıyn júrmek. Ideıa avtorlarynyń aıtýynsha, júkti poıyz arqyly jetkizý muhıt arqyly tasymaldaǵannan jyldam, al ushaq arqyly tasýdan arzan shyǵady. Muhıt jolyna qaraǵanda poıyz arqyly tasýǵa 30 kún kem ýaqyt jumsalady. Al ushaq arqyly tasyǵannan 5 ese arzan. Brıtanııa QHR-nyń osyndaı saýda baılanysyn qurǵan 18-shi memleket bolyp otyr. Al London qytaılyq poıyzdardyń turaqty qatynaıtyn 15-shi eýropalyq astana. Sońǵy jyldary qolǵa alynǵan aýqymdy "Jańa jibek joly" memlekettik jobasy aıasynda Eýropaǵa 1881 júk poıyzy quramy jetkizildi. Quram Qytaıǵa qaıtar jolda Germanııadar et ónimderin, Fransııadan vıno men Reseıden aǵash ónimderin ala keledi.