QR azamaty amerıkalyq materıaldardy synaqtan ótkizý qoǵamdastyǵy dırektorlar keńesine endi

Eýrazııalyq ekonomıkalyq komıssııanyń tehnıkalyq retteý jáne akkredıtasııa departamentiniń dırektory Arman Shaqqalıev Amerıkanyń materıaldardy synaqtan ótkizý qoǵamdastyǵynyń (ASTM International) dırektorlar keńesiniń quramyna endi, dep habarlaıdy QR Investısııalar jáne damý mınıstrligi Tehnıkalyq retteý jáne standarttaý komıtetiniń baspasóz qyzmeti. Shaqqalıev L.N.Gýmılev atyndaǵy Eýrazııa ulttyq ýnıversıtetin, Qaraǵandy memlekettik ýnıversıtetin, sonymen qatar Qostanaı ınjenerlik-ekonomıkalyq ýnıversıtetin támamdaǵan. 2008 jyly jasalǵan ASTM men Qazaqstannyń standarttaý jáne sertıfıkattaý ınstıtýty arasyndaǵy memorandýmnan keıin ASTM International qoǵamdastyǵyna múshelik etedi. Eýrazııalyq ekonomıkalyq komıssııanyń departament dırektory qyzmetine taǵaıyndalar aldynda segiz jyl boıy Qazaqstannyń standarttaý jáne sertıfıkattaý ınstıtýtynyń bas dırektory bolyp jumys istedi. Budan buryn, Shaqqalıev óziniń mansabynda QR Ekonomıka jáne bıýdjettik josparlaý mınıstrliginiń Qazaqstannyń metrologııa ınstıtýtynda qyzmet istep úlgerdi. Standartızasııa, sertıfıkasııa, sapa menedjmenti, tehnıkalyq retteý salalarynda mamandanǵan. Aıta ketken jón, ASTM International (American Society for Testing and Materials) - materıaldar, ónimder, júıeler men qyzmetterge arnap standarttar shyǵaratyn AQSh-tyń erikti halyqaralyq uıymy. Ol 1989 jyly AQSh-ta qurylǵan jáne bastapqyda temirjol standarttaryn jasaqtaýmen aınalysty. Búginde ASTM 12 000 standartty qamtamasyz etip otyr.