SQO kásipkerleri 1 mlrd teńge sýbsıdııa aldy

Soltústik Qazaqstan oblysynda «Bıznestiń jol kartasy - 2020» baǵdarlamasy aıasynda kelisimshartqa qol qoıǵandardyń 10%-y sýbsıdııalandyrylady, dep habarlady «Damý» qory bólimshesiniń baspasóz qyzmeti. Sýbsıdııalandyrylǵan jobalardyń sany boıynsha SQO óńirler reıtınginde 1-orynda tur. Oblys kásipkerlerine 2016 jyly tólengen sýbsıdııanyń jalpy somasy 1,1 mlrd. teńgeni quraıdy. SQO qol qoıylǵan kepildikterdiń somasy boıynsha -  0,9 mlrd. teńge jáne 42 kepildeme úshinshi orynda tur. 2016 jyldyń maýsym aıynda SQO ákimdigi men «Damý» qory shaǵyn jáne orta kásipkerlikti nesıeleý úshin qarjy bólý maqsatynda 200 mln. teńge kóleminde memorandým jasasty. Osy qujattyń aıasynda oblystaǵy 11 kásiporyn ekinshi deńgeıli bankterden jyldyq ólshemi 8,5% bolatyn jeńildetilgen nesıeler aldy. Bul qurylys, bólshek saýda, qonaq úı bıznesi men basqa da salalardaǵy jobalar edi. Kásipkerge qyzmet kórsetý ortalyǵynyń konsaltıngtik qyzmetiniń nátıjesi boıynsha ótken jyly oblysta 130-dan astam qaıta qurylǵan jeke kásipkerler tirkelgen. Olardyń 40-tan astamy 18-den 29-jasqa deıingi jastardy quraıdy. «Damý-Kómek» jobasy aıasynda múmkindigi shekteýli 15 bastapqy kásipker demeýshilik kómekke ıe boldy.