Úgit-nasıhat jumysy jandana tústi

Halyqtyń óz tańdaýyn jasaýyna múmkindik beretin saılaý ótetin kún de jaqyndap keledi. Prezıdenttikten úmitkerler jurtshylyqpen kezdesip, óz tuǵyrnamalarymen tanystyrýda. So­lardyń qatarynda Qazaqstan patrıottar partııasynan usynylǵan Qazaq­stan Respýblıkasy prezıdenttigine kandıdat Ǵanı Qasymovtyń senim bildirilgen adamy, Jetisý óńiri boıynsha shtab jetekshisi Serik Aıtqojın 700 saılaý ýchaskesinde kúntúzbe, kandı­dat­tyń baǵdarlamasy, ruqsat berilgen jerlerge úmitkerdiń ómirbaıany ilinip, sha­qyrý qaǵazdary taratylǵanyn jetkizdi. Úmitker Ǵ.Qasymov óziniń saıası tuǵyrnamasy boıynsha saıası júıeni jańartý, agroónerkásip keshenin damy­tý men halyqtyń áleýmettik, rýhanı ómirleriniń damýyna baılanysty tyń oılaryn ortaǵa salyp, úgit-nasıhat ju­mystaryn belsendi júrgizgenin aıtyp ótti. О́ńirdegi Talǵar, Qapshaǵaı, Esik, Jarkent qalalarynda qurylǵan shtabtar saılaýshylar arasyndaǵy jumys­ty meılinshe uıymshyldyqpen ótkizip otyr. Jaqyn kúnderi Talǵar qala­syn­daǵy iri qurylys kompanııasy jumys­shylarymen kezdesýi josparlanǵan. Sondaı-aq qaladaǵy balalar úıindegi tárbıelenýshilerge qaıyrymdylyq kómek kórsetý de alǵa qoıylypty. Qazaqstan Patrıottar partııasynan usynylǵan úmitker Ǵ.Qasymov saılaý­al­dy úgit-nasıhat jumysyn osylaısha tıimdi jalǵastyryp keledi. Kúmisjan BAIJAN, Almaty oblysy.