El baqytyn kúzetken

Nursultan Nazarbaevqa Baqty terbep, zymyrap jel ótkende Turady ǵoı bir-birin demep pende. Halqyń úshin báıgege tústiń taǵy, Halqyńdy jaqsy kórgen sebepten de.   Saǵan qulaq túredi sabyrly eliń, Toqtaı qalyp tyńdaıdy daýyl, jeliń. Sábılerin súıdiń sen óz balańdaı Kárilerin ákeńdeı qadirlediń.   Shirkin ómir qońyrjaı, kók araly Qaıta-qaıta oıyńa oralady. Elge jany ashıtyn erler ǵana, El súıetin el basy bola alady.   Nurǵa, gúlge toltyrdyń mekenińdi Mindettisiń jasaýǵa eki elýdi. Biledi eliń, ol úshin ómirińdi Qııýǵa da sen ázir ekenińdi.   Kózdi jumyp kóńilge erdiń asqaq, Taý sekildi bulttardy, jeldi jasqap. Kórip júrmiz biz ony kópten beri Barasyń sen baqytqa eldi bastap.   О́ziń kelip kózderin ash tumanyń, Kóktem saıyn gúlderin ashty baǵyń. Kóp nárseni aıtady kórer kózge Bettegi ájim, kóbeıgen shashtyń aǵy.   Sol kóktemdeı jerińdi bóle nurǵa, Kórik bite bastasyn kóne jyrǵa. El de senim bildirer dep oılaımyn, Eldiń qamyn erteden jegen ulǵa.   Bastaı bergin halqyńdy bıik qyrǵa, Tola bersin kókirek, kóńil jyrǵa. El baqytyn kúzetken seniń kóziń Árqashan da turady tolyp nurǵa.   Eliń úshin taǵy da tústiń báske, О́tken ómir kúrespen bári de este. Alamannyń aldynan kezikken bul Kútem seni, baýyrym, kútem áste.   Qyran eli, qııashyl búrkit eli, Jamandyqty jasqaıdy, úrkitedi. Alataý da kútedi seni týǵan Atyraý men Ulytaý bir kútedi.   Aldamaıdy alypty armanshy úmit, Aıalaımyz ózińdi ormansha uǵyp. Nursultanym báıgeden keledi dep Altaıyń da kútedi aldan shyǵyp.   Árqashan da halqyna bereri kóp Erte kúnnen janylǵan er edi dep. Aq Jaıyǵyń kútedi, qara Ertisiń, Nursultanym báıgeden keledi dep.   Bastaıdy alǵa alypty senim seri, Basylmaıdy qýanyp kóńil seli. Alamannyń aldynan keledi dep, Týǵan eliń kútedi, erim, seni. Tumanbaı MOLDAǴALIEV, Qazaqstannyń halyq jazýshysy.