Máseleniń bári mańyzdy

Keshe Qazaqstan Boks federasııasynyń prezıdenti Tımýr Qulybaevtyń tóraǵalyq etýimen osy uıymnyń jyldyq qorytyndysyna arnalǵan májilis ótti. Májiliste federasııanyń ót­ken jylǵy jumysy, tóreshiler men bapkerlerdiń qyzmeti, erler jáne áıelder arasynda ótken el chem­pıonatynyń qorytyndysy, elimizde alǵash ret uıymdastyrylǵan áıel­­der arasyndaǵy Azııa chem­pıo­naty, «Astana arlandary» ká­sip­qoı sport klýby» JShS-niń qyz­meti men basqa da máseleler qaraldy. Osy máseleler boıynsha jıyn­da federasııanyń basshylary sóz sóılep, atqarylǵan jumystar tý­raly keńirek málimet berdi. Onda erler jáne áıelder arasynda ótken halyqaralyq, elishilik jarys­tar­dyń nátıjelerine joǵary baǵa berildi. Máselen, boksshylar ara­syn­da básekelestikti arttyrý úshin ót­ken Qazaqstan Boks federa­sııa­sy­nyń kýbogy jolyndaǵy jarystar men basqa da týrnırlerge mamandar tarapynan laıyqty baǵa berilse, jıynǵa qatysýshylardyń bári Búkilálemdik boks tujy­ry­my boıynsha kásipqoı boks­shy­lardyń arasynda ótip jatqan ja­rysqa qatysý úshin qurylǵan «As­tana arlandary» ulttyq qura­ma­synyń nátıjelerin bas barmaq­pen baǵalady. Esterińizge sala ketsek, «Astana arlandary» komandasy jaqyn­da Ońtústik Koreıanyń «Qyzyl qanat­tylar» boksshylarymen kezdesip, 3:2 esebimen jeńiske jetti. Sóıtip, «arlandar» jartylaı fı­nalǵa jol­dama alsa, onyń qura­myndaǵy Q­a­nat Ábýtálipov pen Er­jan Mú­sá­pirov Olımpıada jol­damasy úshin kúresý múmkindigine ıe boldy. Al áýesqoılar arasynda ótken sońǵy jarysta Qazaqstan quramasy 3 altyn júldeni jeńip aldy. Baký qalasynda ótken halyqaralyq týrnırge barǵan 10 boksshynyń ishinde Mádı Sholaqov (55 kg.), Ǵanı Jaılaýov (60 kg.) pen Baqytjan Qoja­bekov (69 kg.) altynnan alqa taqty. Degenmen, bokstaǵy osyndaı kóńil kónshiterlik nátıjeler aı­tylǵanymen, mamandar balalar já­ne jasóspirimder, jastar boksyn, sporttyq medısınany damytýda, tóreshiler men bapkerler qyzmetin jetildirýde kemshilikterdiń bar ekenin jasyrmady. Osy máselege baı­lanysty birneshe usynystar ja­sal­dy. Máselen, federasııa bas­shy­sy Tımýr Qulybaev Qy­taı­da árbir boksshyny jarysqa daıyn­daý úshin onymen tórt dá­ri­gerdiń, al bizde bir ǵana dári­gerdiń jumys isteıtinin aı­typ, aldaǵy kezde bizdiń elde de bir boksshymen birneshe adam jumys isteý kerek degen usynysyn bildirdi. Sondaı-aq, mamandar balalar men jasóspirimder boksyn qol­daý úshin Boks akademııa­sy­nyń qu­ry­lysyn tez­detip, onda jastardyń boıyn­daǵy qabilet-daryndy ashý úshin bar jaǵdaıdy jasaý kerektigin eskertti. Sonymen birge, májiliste osy jy­ly Astanada tuńǵysh ret kadetter arasynda ótetin álem chem­pıo­na­tyna daıyndyq, 2013 jyly eresekter arasynda álem chempıonatyn ótkizý, London Olımpıadasyna joldama alý máseleleri qaraldy. Dastan KENJALIN.