Qoǵamdyq qabyldaýdyń artyqshylyqtary kóp

Saılaý naýqanynyń aıasynda partııanyń XIII sezinde Qazaqstan Respýblıkasynyń prezıdenttigine kandıdat etip usynylǵan N.Á.Nazarbaevtyń qoǵamdyq qabyldaý bólmeleri qurylǵan bolatyn. Bul kúnderi respýblıkamyzda kandıdattyń 222 oblystyq, aý­dan­dyq, qalalyq jáne bir res­pýblıkalyq qoǵamdyq qabyldaý bólmeleri jumys atqarýda. Qo­ǵam­dyq qabyldaý bólmeleriniń ne­gizgi mindetteri prezıdenttik saı­laýda N.Á.Nazarbaevtyń kan­dıdatýrasyn qoldaý, saılaý naýqanyn saılaý zańnamasyna sáıkes ashyq ta ádil ótkizý, barlyq sanattaǵy saılaý­shylardyń daýys berýge jappaı qatysýyn qamtamasyz etý, so­ny­men qatar, saılaýshylardan kelip túsken amanattardy, usynystar­dy, tilekter men ótinishterdi jınaý, taldaý jáne monıtorıng júr­gizý, azamattardy qabyldaý jáne saılaýshylarmen kezdesýdi uıym­dastyrý bolyp tabylady. Kandıdattyń qoǵamdyq qa­byl­daý bólmeleri kún saıyn dúı­senbiden senbige deıin saǵat 10.00-den 18.00-ge deıin jumys isteıdi. Úsh aptanyń ishinde kandı­dat­tyń qoǵamdyq qabyldaý bólme­le­rine 36 000-nan asa saılaýshy keldi. Onyń ishinde: 799 amanat, 978 usynys, 1032 tilek boldy. Kóptegen amanattarda kandı­dat­qa zor densaýlyq, uzaq ómir, al­daǵy bolatyn saılaýda tabys tilenedi jáne onyń kandı­da­tý­rasyn qoldaıtyndary aıtylady. Qoǵamdyq qabyldaý bólmeleri saılaý naýqany aıasynda 28 000-nan asa saılaýshyǵa saılaý zań­namasy men daýys berý týraly tú­siniktemeler berdi. Sonymen qa­tar, úgit-nasıhat jumystaryna aqysyz kirisýge daıyn ekendikterin jáne saılaý naýqanyna qaty­sý nıetteri bar ekenin bildirgen 3617 usynys tústi, onyń ishinde: 1848 adam kandıdattyń úgit-na­sıhat jumystaryn júrgizý boı­yn­sha kómek kórsetýge, al 791 adam úlestirme materıaldaryn taratýǵa daıyn ekendikterin aıtady. Esep berý kezeńinde kandı­dat­tyń qoǵamdyq qabyldaý bólme­le­rine 1688 ótinish tústi. Respýb­lı­kalyq jelilik kestege sáıkes Aqmola oblysynda jáne Astana qalasynda saılaýshylardy bir­yń­ǵaı qabyldaý kúni uıym­das­tyryldy jáne ótkizildi, onyń ba­rysynda 364 saılaýshynyń óti­nish­teri qabyldandy jáne qaraldy. Qoǵamdyq qabyldaý bólme­le­rinde kandıdattyń senim bildirilgen adamdary azamattardy qabyl­daý júrgizýde. Máselen, Parlament Májilisiniń depýtaty A.­S.So­loveva Respýblıkalyq qo­ǵam­dyq qabyldaý bólmesinde qabyldaý ótkizse, Parlament Senatynyń depýtattary Q.Sultanov, A.Bashmakov pen Parlament Májilisiniń depýtattary B.Tileýhan, V.Nehoroshev, S.Esilov jáne B.Smaıy­lov azamattardy jeke máseleleri boıynsha Aqtóbe, Shyǵys Qa­zaq­stan, Mańǵystaý oblystary men Astana qalasynda qabyldady. Qabyldaýlar barysynda kóp­te­gen saılaýshylarǵa naqty kó­mekter kórsetildi, problema­lar­dy sheshý boıynsha naqty nátı­je­lerge qol jetkizildi, daý-janjaldar retteldi. Osynyń ózi saı­laý­dyń ná­tı­jesi oıdaǵydaı bolatynyna sendiredi jáne bılik organdary men par­­tııaǵa kózqarastyń jaqsarýy­na oń yqpal etedi dep oı túıýge negiz beredi. «Egemen-aqparat».