Úmitker muraty – áleýmettik qoljetimdilik

Qazaqstan Kommýnıstik halyqtyq partııasy atynan Qazaqstan prezıdenttigine kandıdattyqqa usynylǵan Jambyl Ahmetbekovti qoldaý qoǵamdyq shtaby úmitkerlerdiń saılaýaldy úgit-nasıhat jumystary bastalysymen iske qyzý kirisip ketti. QKHP-nyń oblystyq ko­mıtetiniń birinshi hatshysy Janat Moldashev jetekshilik etetin qoǵamdyq shtab úgit-nasıhat jumystaryn jos­par­ly júr­gizip, osy kezge deıin-aq Mártók, Qob­da, Áıteke bı, Qarǵaly jáne Hromtaý aýdandarynda bo­lyp, jurtshylyqpen júz­des­ti. El prezıdenttiginen úmitker Jambyl Ahmet­be­kovtiń saılaýaldy baǵdar­la­ma­symen, partııanyń ustan­ǵan saıası tuǵyrnamasymen tanystyrdy. Jaqynda QKHP-dan prezıdenttikke úmitker Jambyl Ahmetbekov Aqtó­be­ge kelip, oblys ortalyǵyndaǵy qart­­tar úıinde kezdesý ótkizdi.Kezdesý barysynda el prezıdenttiginen úmitker kedeıshilik, jumyssyzdyq, baǵalar men tarıfterdiń ósýi jáne basqa áleýmettik ózekti máseleler týraly oılaryn ortaǵa saldy. – Men jańa áleýmettik baǵyttyń negizi bolatyn úsh bastamany jarııa­la­maq­shy­myn, – dep óziniń saı­laý­al­dy baǵdarlamasynda atap ót­­ke­nindeı, elimizdegi áleý­met­tik ıgilikterge qara­paı­ym ha­lyq­tyń qoljetimdi­li­gin qa­lyptastyrýdyń negizgi jol­da­ryna toq­taldy. – Ja­ńa áleýmettik baǵyt sheń­be­rin­degi birinshi bastama – bul kúnkóristiń eń tómengi kór­setkishin kóp­tegen órkenıet­ti elderde qol­da­ny­la­tyn standarttar boıynsha (ıaǵnı, me­dıandyq tásil arqyly) anyq­taý ádisin engizý. Osylaı deı kelip ol mundaı jaǵ­daıda Qazaqstan­da orta eseppen ár adamǵa shaqqanda kúnkóristiń eń tó­mengi kórsetkishi 200 myń teńge bola­tynyn jetkizdi. Ekinshi bastamasy retinde joǵary oqý oryndary tú­lek­teri­niń birinshi ret jumysqa orna­la­sýla­ryna memlekettik kepildik berýdi engizýdi us­tanyp otyrǵanyn alǵa tart­ty. Birinshiden, jumys ornyna kepildik berý – jas mamannan jumysqa orna­la­sýy kezinde 3 jyl jumys ótilin suraý sekildi kedergiden shyǵarar jol ekenin málim­dedi. Prezıdenttikke kandıdat elimizdegi tur­ǵyn úı-kommýnaldyq sharýa­shy­lyq salasy máselesin sheshýdi, osy saladaǵy baǵalar men tarıfterdi azaıtýdy usy­nyp otyrǵanyna toqtaldy. Ol óz oıyn Qazaqstan aza­mat­tarynyń áleý­mettik jaǵdaıy men ál-aýqaty zamanaýı bı­liktiń áreket etý qabileti men onyń saıası jaýap­ker­shiliginiń basty baǵamyna aı­nalýy tıis dep tu­jy­rymdady. Qazir memlekettik saıasattyń túp­ki maqsaty – Adam bolýy qajet. Eldiń erteńi áleýmettik áleý­et­tiń artýymen ólshenýi kerek. Kandıdatty qol­daý qoǵamdyq shta­by­nyń jetekshisi, QKHP oblystyq komıtetiniń birinshi hatshysy Janat Moldashev azyq-túlik baǵalarynyń shek­ten tys kóterilýi jóninde keleli má­sele qozǵady. Baǵany bu­ǵa­lyqta­maı­yn­sha, zeı­net­aqy men eńbek­aqy­ny ósirýdiń qaıtarym bermeıtinine nazar aýdar­dy. Shyǵyp sóı­legen qarııalar da mu­ny joqqa shyǵarmady, úmitkerdiń ıgi bas­ta­malarynyń júzege asýy­na tilektestik bildirdi. Saılaý­ǵa bir kisideı qaty­syp, óz tańdaýlaryn jasaı­tyn­daryn jetkizdi. El prezıdenttiginen úmitker Jam­byl Ahmetbekov qart­tar­dy tolǵantqan birqatar suraq­tarǵa jaýap berdi. Osyndaı júzdesý Marat Ospanov atyndaǵy Batys Qa­zaqstan medısına ýnıver­sıte­tiniń jataqhanasynda stýdent jastarmen de boldy. Kandıdat óńir­degi buqaralyq aqparat quraldary ókil­derimen brıfıng ótkizip, jýrna­lısterdiń birqatar saýaldaryna jaýap berdi. Satybaldy SÁÝIRBAI, Aqtóbe oblysy.