Jastyq jalyn el ıgiligine qyzmet etsin

Kez kelgen qoǵam­nyń ilgeri damýy onyń árbir azamatynyń Otan­­­­ǵa degen súıis­pen­shi­ligi men bolashaqqa degen talpyny­synsyz múm­kin emes. Ár azamattyń yqy­las-nıeti men arman-tileginen bastaý alyp, ult muratyn júzege asyrý masatynda qurylǵan «Nur Otan» HDP búginde jal­pyhalyqtyq saıası kúshke aınaldy. Bizdiń tańdaǵan saıası baǵytymyzdyń durystyǵyn ótken jyldar ishinde qol jetkizgen tabystarmen dáleldeýge bolady. О́tken barys jyly el tarıhynda mańyzdy oryn alatyn oqıǵa – Qazaqstan Eýropanyń asa bedeldi uıymy – EQYU-ǵa tabysty tóraǵalyq etti. Sonymen qatar, 11 jyl boıy ótpegen Uıym Sammıtin uıymdas­ty­ryp, Astana Deklarasııasyn qabyldatty. Bul joǵary senimniń túp negizinde elimizde júrgizilip otyrǵan salıqaly saıasat­tyń nátıjesinde qalyptasqan etnosaralyq tatýlyq, saıası turaqtylyq, dinaralyq jáne konfessııaaralyq kelisim jatyr. Elimizdiń ekonomıkalyq turaqty da­mýy­nyń jáne tıimdi syrtqy saıasatynyń ná­tıjesinde Qazaqstan 2011 jyly ShYU men Islam Konferensııasy Uıymyna tór­aǵalyq etedi. Munyń óńirdegi geosaıası tu­raqtylyq pen halyqaralyq qaýipsizdikti qamtamasyz etýmen qatar, Qazaqstannyń ın­vestısııalyq áleýetin arttyratyny sózsiz. Táýelsizdik alǵan 20 jyldyń ishinde básekege qabiletti, saıası júıesi myǵym, ekonomıkasy turaqty memleket qurýǵa qol jetkizdik. Bul tabystarǵa jetýimizdiń al­ǵysharttary jarqyn bolashaqqa talpynǵan ortaq múddemiz ben halqymyzdyń ja­rasqan birligi bolsa, ony qalyptastyrýda «Nur Otan» saıası partııa retinde óz mıs­sııasyn joǵary abyroımen atqarýda. Ár azamattyń salıqaly ómiri, turǵyn­dardyń áleýmettik qorǵalýy men qoǵamda demokratııanyń ómirsheń bolýy «Nur Otan» HDP aldyna qoıǵan negizgi strate­gııalyq mindetterdiń biri. Ústimizdegi jyl­dyń 11 aqpanynda ótken «Nur Otan» HDP XIII sezdinde qabyldanǵan 2020 jylǵa deıingi damý baǵdarlamasy osy mindetter bıiginen kórinýdiń kepili. Sondaı aq, partııa basymdyqtarynyń biri el bolashaǵy – jastar áleýetiniń sa­pasyn arttyrý. Partııa sezinde jastar tár­bıesine jańa lep berý qajettigi, Otan ıgiligi úshin jumystaný kerektigi atap kórsetilip, jastardy qoǵamǵa qyzmet etýge baýlý maqsatynda olardyń basyn biriktiretin «Jas Ulan» qozǵalysyn jáne «Jas Qyran» balalar uıymynyń jańa júıesin qurýǵa naqty tapsyrma berildi. Osyǵan oraı, «Nur Otan» HDP-nyń «Jas Otan» jastar qanaty mektep ja­synan bastap rýhanı-adamgershilik tárbıe­leý úrdisiniń biregeı qurylymyn jasaý úshin «Jas Ulan» jáne «Jas Qyran» uı­ym­darynyń jańa júıesin qurýǵa bilek sybana kirisip ketti. Aǵymdaǵy jyldyń 10 naýryzynda Parlament Májilisi depýtattarynyń, ortalyq memlekettik organdar ókilderiniń jáne balalar uıymdary jetekshileriniń qatysýy­men atalǵan uıymdardyń qury­lymy  jó­ninde naqty is-áreketter men ony júzege asyrýdyń tetikteri talqylandy. Jalpy, «Jas Ulan» jáne «Jas Qy­ran» saıası sıpattaǵy áreketterge qatynas­paı­tyn, jasóspirimderdiń azamattyq belsendiligin arttyrý arqyly olardy biriktirý baǵytyndaǵy qoǵamdyq is-sharalardy uı­ym­dastyrýmen aınalysatyn uıym bo­lyp qalyptaspaq. Jınalys qorytyndysy boıynsha uı­ymdar jumysyn úılestirýdiń naqty tetikterin qurý maqsatynda ortalyq memlekettik organdar men balalar uıymdary je­tekshileriniń qatysýymen saraptamalyq top quryldy. Jas urpaqtyń azamattyq qalyptasýy baǵytynda uıymdar kelesi mindetterdi júzege asyratyn bolady: – azamattyq belsendilik máselesinde urpaqtar sabaqtastyǵyn qamtamasyz etý; – jastardyń jan-jaqty damýyna jaǵdaı jasaý, olardyń rýhanı-adamgershilik, zııatkerlik jáne naqty áleýetin, eko­lo­gııa­lyq jáne rýhanı mádenıetin arttyrý; – jastardyń boıynda qazaqstandyq patrıotızm sezimin jáne azamattyq jaýapkershilik ustanymyn, respýblıkanyń memlekettik rámizderine, Qazaqstan hal­qynyń mádenı murasyna, tiline jáne dástúrlerine qurmetpen qaraýdy qalyp­tastyrý; – salamatty ómir saltyn nasıhattaý; – jastardyń áleýmettik mańyzdy bas­tamalaryna qoldaý kórsetý jáne olardy iske asyrý; – jastar arasynda sportty, týrızmdi damytý arqyly rýhanı jáne tabıǵı jetilýin qamtamasyz etý; – jastardy aǵa býynǵa degen qurmet, qamqorlyq jáne meıirimdilik rýhynda tárbıeleý; – daryndy jastardy izdeý, olarǵa kómek kórsetý jáne ilgeriletý; – ǵylym men bilimniń ártúrli sala­laryndaǵy, mádenıet pen óner, qorshaǵan ortany qorǵaý salalaryndaǵy jastardyń ǵylymı-zertteý, aqparattyq jumystaryn uıymdastyrý jáne olardy qoldaý. Búgingi kúni atalǵan uıymdar jumy­synyń baǵyt-baǵdary respýblı­kamyzdyń óńirlerinde «Jas Otan» jastar qanaty fılıaldarynyń uıytqy bolýymen qyzý talqylanýda. Talqylaý qorytyndysy bo­ıynsha usynystar túgeldeı eskeriletin bolady. Beketaı QADIRQULOV, «Jas Otan» JQ Atqarýshy hatshylyǵynyń menedjeri.