Qazaqstan Respýblıkasy Úkimetiniń qaýlysy №124

2011 jylǵy 10 aqpan                                       Astana, Úkimet Úıi Qazaqstan Respýblıkasy Úkimetiniń 1999 jylǵy 23 shildedegi №1053 qaýlysyna tolyqtyrýlar men ózgerister engizý týraly Qazaqstan Respýblıkasynyń Úkimeti qaýly etedi: 1. «Qazaqstan Respýblıkasynyń aýmaǵyndaǵy órtter men olardyń zardaptary memlekettik esebiniń erejesin bekitý týraly» Qazaqstan Respýblıkasy Úkimetiniń 1999 jylǵy 23 shildedegi №1053 qaýlysyna (Qazaqstan Respýblıkasynyń PÚAJ-y, 1999 j., №38, 327-qujat) mynadaı tolyqtyrýlar men ózgerister engizilsin: kórsetilgen qaýlymen bekitilgen Qazaqstan Respýblıkasynyń aýmaǵyndaǵy órtter men olardyń zardaptary memlekettik esebiniń erejesinde: búkil mátin boıynsha: «memlekettik órtke qarsy qyzmet organdary», «memlekettik órtke qarsy qyzmet organdaryna», «Mem­lekettik órtke qarsy qyzmet organdary», «memlekettik órtke qarsy qyzmet organdarynda» degen sózder «órt qaýipsizdigi salasyndaǵy ýákiletti organnyń aýmaqtyq bólimsheleri», «órt qaýipsizdigi salasyndaǵy ýákiletti organnyń aýmaqtyq bólim­shelerine», «О́rt qaýipsizdigi salasyndaǵy ýákiletti organnyń aýmaqtyq bólimsheleri», «órt qaýipsizdigi salasyndaǵy ýákiletti organnyń aýmaqtyq bólimshe­lerinde» degen sózdermen aýystyrylsyn; 4 jáne 27-tarmaqtardaǵy «statıstıkalyq» degen sóz alynyp tastalsyn; 3-tarmaq mynadaı mazmundaǵy tórtinshi abzaspen tolyqtyrylsyn: «tutaný – azamattardyń ómiri men densaý­lyǵyna zııan, adamdarǵa, qoǵam men memlekettiń múddelerine materıaldyq zalal keltirmegen baqy­laýsyz janý;»; 4-tarmaqtyń birinshi bóligindegi «paıda bolǵan» degen sózderden keıin «ýaqytyna jáne» degen sózdermen tolyqtyrylsyn; 5-tarmaq mynadaı redaksııada jazylsyn: «5. О́rtterdiń jáne olardyń zardaptarynyń memlekettik esebi Qazaqstan Respýblıkasyndaǵy órtterdiń jaǵdaıyn sıpattaıtyn negizgi kórsetkish­terdi qalyptastyrýǵa arnalǵan. О́rtterdiń jáne olardyń zardaptarynyń memlekettik esebin órt qaýipsizdigi salasyndaǵy baqylaý fýnksııalaryn júzege asyratyn órt qaýipsizdigi salasyndaǵy ýáki­letti organnyń vedomstvosy jáne órt qaýipsizdigi salasyndaǵy ýákiletti organnyń aýmaqtyq bólimsheleri júzege asyrady. О́rtti esepke alý kartochkalary men eseptilik nysany memlekettik eseptilik qujattary bolyp tabylady. О́rtterdi esepke alý kartochkalary órt qaýipsizdigi salasyndaǵy ýákiletti organnyń basshysy bekitetin normatıvtik quqyqtyq aktilerge sáıkes jasalady. Eseptilik nysanyn órt qaýipsizdigi salasyndaǵy ýákiletti organ ázirleıdi.»; 10-tarmaq mynadaı redaksııada jazylsyn: «10. Árbir órtke ony joıǵannan keıin bir táýliktiń ishinde memlekettik órtke qarsy qyzmet qyzmetkeri basqaratyn komıssııa órt týraly akt jasaıdy. О́rt týraly aktiniń nysanyn órt qaýip­sizdigi salasyndaǵy ýákiletti organ ázirleıdi jáne bekitedi. Komıssııa quramyna zańdy tulǵa ákim­shiliginiń nemese zardap shegýshiniń, ishki ister organdarynyń, saqtan­dyrý uıymdarynyń, qoǵam­dyq uıymdardyń ókilderi men basqa da múddeli tulǵalar kirýi múmkin. О́rt bólimsheleri shaqy­ryl­maǵan jáne órt qaýipsizdigi salasyndaǵy ýákiletti organnyń bólimshelerine aýmaq­tyq ol týraly habar (aýyzsha nemese jazbasha) zardap shekkenderden, ishki ister organdarynan, saqtandyrý uıymdarynan nemese basqa da kózderden túsken órt týraly aktini aqparat alynǵan sátten bastap eki táý­likten keshiktirmeı sol quramdaǵy komıssııa jasaıdy. Aktige komıssııa qol qoıǵannan keıin ol órt faktisi boıynsha tekserý (anyqtaý) júrgizgen organ­da qalady. О́rtten bolǵan materıaldyq zalaldyń somasy men onyń týyndaý sebebi jóninde derekter bolmaǵan jaǵdaıda osy málimetter 30 táýlikten aspaıtyn merzimde saraptama qorytyndylaryn ne uıymdardyń býhgalterlik eseptilik qujattaryn, saqtandyrý uıymdarynyń málimetterin, sot organdarynyń sheshimderinen kóshirmelerdi nemese múlik ıeleriniń qujattaryn usynǵannan keıin toltyrylady. О́rt týraly aktiniń kóshirmesi zalaldy óteý, qujattardy qaıta qalpyna keltirý máseleleri boıynsha sot organdaryna júginý úshin ótinish boıynsha múlik ıeleri men órtten zardap shekkenderge, sondaı-aq sot organdarynyń jazbasha suraýlary boıynsha beriledi.»; 12-tarmaqta: altynshy abzas mynadaı redaksııada jazylsyn: «turmystyq elektr aspaptarynyń aqaýy kezin­degi tútindeý jáne taǵamnyń ony daıyndaý kezindegi órttiń paıda bolýyń týdyrmaıtyn kúıýi jaǵdaılary;»; jetinshi abzas mynadaı redaksııada jazylsyn: «ashyq aýmaqtar men dala alqaptaryndaǵy ıesiz ǵımarattar men ıesiz kólik quraldarynyń, qurǵaq shóptiń, japyraqtardyń, terek ulpasynyń, turmystyq qaldyqtardyń, ańyzdardyń, sondaı-aq qoqys tógetin jerlerdegi, bos jerlerdegi, úı ıesi men sharýashylyq etýshi obektilerdiń aýmaqta­ryndaǵy, jol jıekterindegi, ony jınaýǵa arnalǵan konteınerlik alańdardaǵy, ony jınaýǵa arnalǵan konteınerlerdegi (jáshikterdegi), turǵyn úılerdiń lıft shahtalaryndaǵy (lıftilerindegi), turǵyn úılerdiń qoqys jınaǵyshtaryndaǵy (qoqys qubyrlaryndaǵy), turǵyn úılerdiń baspaldaq torlaryndaǵy, turǵyn úılerdiń jertóle jáne shatyr úı-jaılaryndaǵy qoqystardyń tutanýlary;»; segizinshi abzastaǵy «esep júrgizýge jatpaıdy.» degen sózder alyp tastalyp, mynadaı mazmundaǵy toǵyzynshy, onynshy, on birinshi jáne on ekinshi abzastarmen tolyqtyrylsyn: «jol-kólik oqıǵasy sebebinen bolǵan avtokólik quraldarynyń órtený jaǵdaılary; avıasııalyq, temir jol avarııalary, terrorıstik aktiler, urys qımyldary, quqyq qorǵaý organdarynyń arnaıy operasııalary, jer silkinisteri sebebinen bolǵan órtter; peshpen (kamındermen) jylytýdan ólimge ákelgen ýly gazben adamdardyń ýlaný jaǵdaılary; zardaptar men zalalsyz pıroforlyq qosqysh-tardyń ózdiginen tutaný jaǵdaılary esep júrgizýge jatpaıdy.»; 14-tarmaqta: birinshi bólik mynadaı redaksııada jazylsyn: «О́rtter men olardyń zardaptary boıynsha alǵashqy derekterdi qalyptastyrý kezinde órt kezinde qaza bolǵandar men jaraqat alǵandardyń barlyǵy medısınalyq uıymdar usynatyn ólim nemese jaraqattaný sebebi týraly qorytyndylardyń negizin­de esepke alynady.»; mynadaı mazmundaǵy úshinshi bólikpen tolyq­tyrylsyn: «Sot-medısınalyq saraptama mekemeleri budan buryn órt kezinde qaza bolǵandar retinde esepke alynǵan adamdardyń órt týyndaǵan sátke deıin qaza bolý faktisin anyqtaǵan kezde kórsetilgen tulǵalar órtterdi esepke alýdyń derekqordan shyǵarylady.»; 24-tarmaqtaǵy «memlekettik órtke qarsy qyzmet organdary» degen sózder «órt qaýipsizdigi salasyndaǵy ýákiletti organnyń basshysy» degen sózdermen aýystyrylsyn; 27-tarmaqtaǵy «memlekettik órtke qarsy qyzmet organdaryna» degen sózder «órt qaýipsizdigi salasyn­daǵy ýákiletti organǵa» degen sózdermen aýysty­rylsyn. 2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri                                  K.MÁSIMOV.