Qazaqstan Respýblıkasy Aýyl sharýashylyǵy mınıstriniń buıryǵy №556

2010 jylǵy 1 qyrkúıek, Astana qalasy Tabıǵat qorǵaý mekemesiniń rámizderin ázirleý jáne paıdalaný  erejesin bekitý týraly «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń 8 jáne 19 baptaryna sáıkes buıyramyn: 1. Qosa berilip otyrǵan Tabıǵat qorǵaý mekemesiniń rámizderin ázirleý jáne paıdalaný erejesi bekitilsin. 2. «Tabıǵat qorǵaý mekemesiniń rámizderin ázirleý jáne paıdalaný erejesi bekitilsin týraly» Qazaqstan Respýblıkasy Aýyl sharýashylyǵy mınıstrligi Orman jáne ańshylyq sharýashylyǵy komıteti tóraǵasynyń 2007 jylǵy 22 qańtardaǵy № 21 (Normatıvtik quqyqtyq aktilerdi memlekettik tirkeý tiziliminde 4549 nómirmen tirkelgen) buıryǵynyń kúshi joıyldy dep tanylsyn. 3. Qazaqstan Respýblıkasy Aýyl sharýashylyǵy mınıstrligi Tabıǵat resýrstaryn paıdalaný strategııasy departamenti (Omarov J. Y.) osy buıryqtyń Qazaqstan Respýblıkasy Ádilet mınıstrliginde tirkelýin qamtamasyz etsin. 4. Osy buıryq alǵash ret resmı jarııalanǵan qúninen bastap on kúntizbelik kún ótken soń qoldanysqa engiziledi. Mınıstrdiń m.a.  E. Aman. Qazaqstan Respýblıkasy Aýyl sharýashylyǵy mınıstriniń m.a. 2010 jylǵy 1 qyrkúıekten №556 buıryǵymen bekitilgen Tabıǵat qorǵaý mekemesiniń rámizderin ázirleý jáne paıdalaný erejesi 1. Jalpy erejeler 1. Osy tabıǵat qorǵaý mekemesiniń rámizderin ázirleý jáne paıdalaný erejesi «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń 8 jáne 19 baptaryna sáıkes ázirlendi jáne memlekettik tabıǵı qoryqtardyń, memlekettik ulttyq tabıǵı saıabaqtardyń, memlekettik tabıǵı rezervattardyń, memlekettik óńirlik tabıǵı saıabaqtardyń (budan ári – tabıǵat qorǵaý mekemesi) rámizderin ázirleý jáne paıdalaný tártibin aıqyndaıdy. 2. Beınesin erekshe qorǵalatyn tabıǵı aýmaqtar salasyndaǵy ýákiletti organ (budan ári – ýákiletti organ) bekitetin tabıǵat qorǵaý mekemesiniń emblemasy men jalaýy onyń rámizderi (budan ári – rámizder) bolyp tabylady. 3. Rámizderdi ázirleý kezinde mynadaı negizgi talaptar saqtalady: 1) emblemada tabıǵat qorǵaý mekemesiniń tabıǵı jáne/nemese tarıhı-mádenı keshenderi men obektileriniń tán erekshelikterin kórsetetin sózdik, beınelik jáne/nemese kólemdik belgiler ne olardyń aralas úlgileri beınelenedi, sondaı-aq  onyń memlekettik tildegi ataýy jazylady; 2) jalaý memlekettik tabıǵat qorǵaý mekemesiniń  emblemasy men memlekettik tildegi tolyq ataýy ornalasatyn mata túrinde bolady. Jalaý eniniń onyń uzyndyǵyna ara-qatynasy – 1:2. 2. Rámizderdi ázirleý jáne bekitý 4. Rámizderdi ázirleýdi tabıǵat qorǵaý mekemesi uıymdastyrady. 5.Tabıǵat qorǵaý mekemesinde mekeme basshysy orynbasary basshylyǵyndaǵy mekeme qyzmetkerleri sany bes adamnan kem emes, rámizder ázirleý jónindegi jumys toby qurylady. 6. Rámizder jobasyn 15 jumys kúni ishinde tabıǵat qorǵaý mekemesiniń ǵylymı-tehnıkalyq keńesinde qaraıdy jáne oń qorytyndysymen ýákiletti organǵa jiberiledi. Ýákiletti organda birinshi basshynyń ne onyń ornyn almastyratyn adamnyń buıryǵymen saraptama komıssııasy qurylady, ol jıyrma jumys kúnniń ishinde rámizder jobasyn qaraıdy. Saraptama komıssııasynyń oń qorytyndysyn alǵannan keıin rámizder on jumys kúniniń ishinde ýákiletti organnyń birinshi basshysynyń ne onyń ornyn almastyratyn adamnyń buıryǵymen bekitiledi. Saraptama komıssııasynyń teris qorytyndysy alynǵan jaǵdaıda rámizder jobasy on jumys kúniniń ishinde tabıǵat qorǵaý mekemesine pysyqtaýǵa qaıtarylady. Tabıǵat qorǵaý mekemesi ol qaıtarylǵannan keıin bir aı merzim ishinde saraptama komıssııasynyń eskertpeleri men usynystaryn eskere otyryp pysyqtaýdy qamtamasyz etedi jáne ony qaraýǵa qaıta engizedi. 7. Bekitilgen rámizder «Taýarlyq belgiler, qyzmet kórsetý belgileri jáne taýarlar shyǵarylǵan jerlerdiń ataýlary týraly» 1999 jylǵy 26 shildedegi Qazaqstan Respýblıkasynyń Zańyna (budan ári - Zań) sáıkes tabıǵat qorǵaý mekemesiniń taýarlyq belgisi retinde tirkeledi. 3. Rámizderdi paıdalaný 8. Tabıǵat qorǵaý mekemesi rámizderdi blankilerde, baspa jáne ózge de aqparattyq jáne bilim berý ónimderiniń barlyq túrinde, qyzmetter kórsetý kezinde paıdalanady, sondaı-aq jeke jáne zańdy tulǵalardyń ony aqyly negizde paıdalanýyna ruqsat beredi. 9. Jeke jáne zańdy tulǵalardyń rámizderdi paıdalanýy shartpen resimdeledi. Shartta rámizderdi paıdalaný sheńberi, taraptardyń mindettemeleri, tólemaqynyń mólsheri men tártibi (jarnama ornalastyrǵany úshin birjolǵy tólem, taýarlar/qyzmetter satýdan jasalatyn aýdarymdar jáne basqalary), rámizderdi tıisti dárejede paıdalanbaǵany úshin ne taýarlardyń/qyzmetterdiń, sondaı-aq olardyń jarnamasynyń málimdelgen sapaǵa sáıkes kelmeýi saldarynan rámizderdi kemsitkeni úshin taraptardyń jaýaptylyǵy aıqyndalady. Rámizderdiń paıdalanylýy kózdelgen zańdy tulǵa qaıta uıymdastyrylǵan, tapsyrys berýshi jeke tulǵanyń derekteri nemese olar shyǵaratyn ónimderdiń/kórsetetin qyzmetteriniń tizbesi ózgergen jaǵdaıda shart qaıta resimdelýge jatady. 10. Rámizderdi sapanyń málimdelgen joǵary kórsetkishteri bar ekologııalyq taza tehnologııalar boıynsha ekologııalyq taza tamaq ónimin ne ekologııalyq taza ónimderden/materıaldardan jasalǵan ónim shyǵaratyn ne týrıstik bıznespen, ekologııalyq bilim berýmen jáne aǵartýmen baılanysty qyzmetter kórsetetin jeke jáne zańdy tulǵalar paıdalana alady. Rámizderdi olar jarnamalyq materıaldarda, ónimniń ózinde nemese onyń taýarlyq japsyrma qaǵazynda, oramasynda ornalastyrýy múmkin. 11. Rámizderdi paıdalanýǵa ruqsat alý úshin tapsyrys berýshi tabıǵat qorǵaý mekemesi ákimshiliginiń atyna tapsyrys jiberedi, onda: 1) zańdy tulǵa úshin – onyń ataýy jáne uıymdyq-quqyqtyq nysany, zańdy jáne naqty meken-jaıy, banktik derektemeleri; jeke tulǵa úshin – tegi, aty, ákesiniń aty, turǵylyqty jeri ; qyzmetiniń túri kórsetilgen ótinish; 2) zańdy tulǵany memlekettik tirkeý týraly kýáliktiń kóshirmesi; 3) zańdy tulǵanyń statıstıkalyq kartochkasynyń kóshirmesi; 4) jeke tulǵanyń jeke kýáliginiń nemese tólqujatynyń kóshirmesi; 5) jeke kásipkerdi memlekettik tirkeý týraly kýáliktiń kóshirmesi; 6) rámizderdi paıdalaný málimdelgen, olarǵa sapa ólshemderi eskertilgen ónimder, kórsetiletin qyzmetter týraly málimetter qamtylady. 12. Rámizderdi taýarlyq tańba retinde tirkeý jáne paıdalaný Qazaqstan Respýblıkasy Azamattyq kodekspen jáne Zańǵa sáıkes júzege asyrylady.