Eldiktiń úlgisi sheshýshi sátte kórinedi

Mańdaıdan terińdi tam­shy­latqan  eńbek adamdy qaı zamanda da  shapaǵatqa bóleıdi.  Jas kezimde Máskeýde, Kre­ml­diń tórinde  ylǵı jaqsy-jaısańdarmen qatar otyryp, ózimniń qazaq degen  halyqtyń qyzy ekenimdi  keýdemdi kere maqtanysh tutar edim. Al elimizdiń táýelsizdigi bolmasa halqymyzdyń tusaýly attaı ekenin men keıin túsindim.  Osy­dan 20 jyl buryn Qa­zaq­stan táýelsizdigin alǵanda na­ǵyz bostandyqtyń, azat­tyq­tyń tynysty keńeıtken sama­lyn sezindik.  О́mirge, saıası, mádenı qundylyqtarǵa  kóz­qa­ras ózgerdi.  Burynǵydaı jo­ǵaryǵa, Máskeýge qaraǵan jaltaqtyq  pen biz úshin bireý sheshim qabyldaıtyn masyldyq psıhologııadan, minezden aryl­dyq.  Elimiz ekonomıkasy jı­yr­ma jyl ishinde  damyp qana qoıǵan joq,  dúnıe júzindegi  moıny ozyq elderge  Qazaq­stan degen jas memleketti moı­yndatyp ta  úlgerdik.  О́t­ken jyly  elimiz Eýropadaǵy qaýipsizdik jáne ynty­maq­tas­tyq uıymyna  tóraǵalyq etti. On bir jyl úzilisten keıingi sammıttiń Astanada ótýi  Qa­zaqstannyń bedelin  buryn­ǵy­dan da arttyra tústi jáne ha­lyqaralyq saıasattaǵy onyń  tuǵyrly ornyn da belgilep berdi.  Munyń barlyǵy da qa­sıetti táýelsizdiktiń,  erkin­dik­tiń arqasy. Bizdiń  jas memleket  eki on jyldyń ishinde  osynsha  dá­re­jege qalaı jetti?  Ol al­dymen judyryqtaı jumylǵan birlik­tiń, yntymaqtyń arqasy ekeni aıan. Onyń ústine  úlkenniń aldynan ótpeı syılaý,  kishini qadirleý, hannyń da, qaranyń da sózine toqtaý sııaqty hal­qy­myz­dyń qanyna sińgen minezi  demo­kratııanyń  negizi bolyp tabyla­dy.  Biz – demokratııalyq, zaıyr­ly memleket quryp jatqan elmiz. Muny  jas táýelsiz Qazaq­stan týraly pikir bildirip júr­gen álemdegi aýzy dýaly qaı­rat­kerler árqashan oń baǵalap keledi. Qazir qarap otyrsaq,  túrli elderde atys-shabys, ereýilder kóbeıip ketti. Olardyń beıbit halqynan maza, tynyshtyq ketkeli qashan. Bereke bolmaǵan soń ashtyq ta, jalańashtyq ta solar­dyń basynda. Jeke pendeniń ómiri sııaqty tutas eldiń, halyq­tyń da taǵdyry bolady.  Onyń da joly taqtaıdaı tegis bola bermeıdi, qıyndyqtar kezdesip otyrady. Sondaı kezde eldi bas­taıtyn  kóshbasshynyń, dana da, aqyldy erlerdiń orny bólek ekeni eshkimge talas emes. «Myń ólip, myń tirilgen» qazaq talaı qylburaý zamanda  tyǵyryqtan halqyn alyp shyqqan dana­la­ryn, batyrlaryn  sol úshin ardaqtap, olardyń esimin umytpaıdy. Allaǵa shúkir, búgin bala­la­rymyzdyń tamaǵy toq,  uı­qysy tynysh. Bilim alyp,  kó­ńi­li qalaǵan isimen aınaly­sa­dy. Elimizdiń bolashaǵy solar ekenine kámil senemiz. Elimizdegi bir atanyń balalaryndaı  tatýlyqqa da kóńilim tolady. Yntymaq pen birliktiń arqa­synda  qandaı asýdan da, belden de súrinbeı asyp kelemiz. Mine, qazir elde údemeli ın­dýstrııalyq-ınnovasııalyq baǵ­darlama júzege asa basta­dy. Kún saıyn estip, bilip otyr­ǵan aqparattardan  ekono­mı­kanyń tamasha jetistikterine kýá bolyp,  shúkirshilik etip otyramyn. Degenmen,  qazir «kemedegi­niń jany bir»  ýaqyt dep oı­laımyn. El basshysyz bol­maı­dy.  Al kóshti alǵa bas­taı­tyn  basshyny ózimizge tańda­typ otyrǵan da táýel­siz­di­gi­miz­diń  bizge bergen artyqshy­lyǵy ekenin meniń árbir otandasym baǵalaıdy. Prezıdenttik saılaý da sol úshin bo­lady. Halyqtyń birligi, eldiń eldigi  osyndaıda kórinedi. О́zin osy eldiń patrıoty sa­naı­tyn ár qazaqstandyq  saı­laýǵa kelip, óziniń daýsyn berýi kerek. Men muny osyndaı sheshýshi sátte ár qazaqtyń, ár qazaqstandyqtyń  memleke­ti­miz­diń bolashaǵy úshin  atsa­lys­qan qyzmeti dep biler edim. Eldigimizben qatar, ár­kim­niń  azamattyǵy da osyn­daı­da kórinedi. Sondyqtan  en­di sanaýly kúnnen keıin óte­tin saılaýǵa da jumyla kiriseıik, aǵaıyn. Kámshat DО́NENBAEVA, Eńbek Eri. Qostanaı.