Byltyr Aqmola oblysynda 364,8 myń sh. m. turǵyn úı salyndy

2016 jyldyń qorytyndysy boıynsha, Aqmola oblysy ekonomıkasynyń barlyq salasynda jaǵymdy dınamıkalyq ósim baıqaldy. Bul týraly oblystyq ekonomıka jáne bıýdjettik josparlaý basqarmasynyń basshysy Baýyrjan Malǵajdarov aıtty, dep habarlaıdy QazAqparat. IIDM baǵdarlamasyn júzege asyrý kezeńinde  (2010-2016 jyldary) 7,1 myń turaqty jumys orny qurylyp, quny 180,6 mlrd. teńgeniń 78 jobasy iske qosyldy. Aýylsharýashylyq ónimniń jalpy kólemi 347,0 mlrd. teńgeni,  naqty kólemniń ındeksi 2015 jyldyń deńgeıimen salystyrǵanda 108,7 paıyzdy qurady. Dándi jáne dándi burshaq daqyldarynyń jalpy túsimi 5723,2 myń tonnany, al maıly daqyldardan jalpy jınalym 184,0 myń tonnany qurady. Oblys boıynsha ortasha ónimdilik gektaryna 8,7 sentnerden aınaldy. "Nurly jol", "О́ńirlerdi damytý - 2020" membaǵdarlamalary sheńberinde 19 jobany júzege asyrý úshin 3,7 mlrd. teńge bólindi. 2016 jyldyń qańtar-jeltoqsan aılary aralyǵynda 364,8 myń sharshy metr turǵyn úı paıdalanýǵa berildi. Bul 2015 jyldyń səıkes kezeńimen salystyrǵanda 129,3 paıyzdy qurady. «Jalpy, 2016 jyldyń qorytyndysy boıynsha, Aqmola oblysy ekonomıkasynyń barlyq salasynda jaǵymdy dınamıkalyq ósim baıqaldy", - dedi B. Malǵajdarov.