Qylqalamnan tamǵan sulýlyq

Almatyda Qazaqstan Res­pýblıkasy Tuńǵysh Prezı­denti – Elbasy Qorynda Almaty qalasy ákimdiginiń jáne Sýretshiler odaǵynyń qoldaýymen 18-31 qańtar aralyǵynda ótetin «Men osy sáttiń kýágerimin» atty zamanaýı óner kórmesi ashyldy. Kórmege «100h100» baıqaýyna qatysqan avtorlardyń eńbek­teri usynylǵan. Tuń­ǵysh Prezıdent-Elbasy Qory uıymdastyryp otyr­ǵan kórmeniń sharty – ár sýret­shige sheberligin, kásibı qarym-qabiletin, shyndyq pen sulýlyqty kórsetý min­dettelgen. Qazirdiń ózinde kór­mege Astanadan, Almatydan, Atyraýdan, Qostanaıdan, Qara­ǵandydan, Shymkentten 50-den astam jumys kelip tústi. «Men osy sáttiń kýágerimin» degen ataý – «men óz zamanymnyń qurdasymyn» degen oımen ózektes, ózara tereń astasyp jatqan birtutas uǵym. Bul túsinik sýretshiniń mańaıyn­daǵy ómirlik sıýjet­terdi: otbasyn, dostaryn, qorshaǵan ortany zeıin qoıyp qaraýǵa múmkindik beredi. Al keıbir qylqalam sheberiniń kartınalary jaratylystyń mánine, adamnyń ómirdegi jáne tarıh keńistigindegi orny týraly oılarǵa jeteleıdi. Kórmeniń ereksheligi, barlyq sýretshilerdiń kompozısııasy úshin ortaq format belgilengen. Bul talaptyń olardyń minde­tin kúrdelendire túskeni baı­qalady. Sýretshi qalamynan týǵan beıneler ómirdiń sulý­lyǵyn, qundylyǵyn kórsetýge arnalǵandyqtan, ártúrli boıaý­lar gammasymen órilgen týyndylar taqyrypqa asa baı. Jurt nazaryna usynylǵan eńbekterdiń kólemi 100h100 sm jáne Táýelsizdiktiń 25 jyl­dyǵyna oraı oryndal­ǵandyǵy – kórmeniń taǵy bir ereksheligi. Kórmege kirý tegin. Aıgúl AHANBAIQYZY, «Egemen Qazaqstan»