Sheteldikter qazaqtar týraly ne deıdi?

Iogan Shıltberger, kóne bavar jaýyn­geri: Uly Tatarııada (qazaq dalasy) bol­dym. Olar nan jep, sharap ish­peıdi, onyń esesine bıe men túıe sú­­tin ishedi. Keń ja­ıylymda ózderiniń bar baılyǵyn artyp alyp, qatyn-bala, mal-múlkimen kóship-qo­nyp jú­redi. Olar óz handaryn aq kıiz­ge otyrǵyzyp, úsh ret joǵary kóteredi. Joryq kezindegi azapty taýqymetke sondaı kónbis. * * * Petr Pallas, saıahatshy nemis ǵa­lymy: Qazaqtar qan tógýge qushtar emes, bireýdi óltirgennen góri, tutqynǵa alǵandy táýir kóredi. Adal qyzmet etken qulǵa qaıyrymdy… * * * Genrıh Klaprot, qytaıtanýshy ǵalym: 1806 jyldyń kúzi men jazynda Er­tistiń joǵary aǵysyn boı­­lap, tómengi Zaısan nur kóline de­ıin barǵan saıahat kezinde kún saıyn qazaqtardy keziktirdim. Azdap túr­ki tilin biletindigim Orta júz qa­zaqtarymen sóılesýime septigin tı­­gizdi. Keıinrek basqa eki júzdiń qa­zaqtarymen kezdeskenimde, olardyń dıa­lektisiz, bir tilde sóıleıtinderine kózim jetti. Qazaq tili olardyń túrki halqy ekenin dáleldeıdi. * * *  Adolf Iаnýshkevıch, polıak zert­­teýshisi: …Qazaqtyń oılaý qabi­le­ti­niń keremettigine barǵan saıyn kó­zim jetti. Ár qazaq óz sharýasyn jete túsindiredi. Tipti, balalarynyń aqyly erte tolysady. …Birneshe kún buryn ózara daýlasqan eki partııanyń qaqtyǵysyna kýá boldym. Sonda De­mosfon men Sıseron týraly ómiri estimegen sheshenderge tań qalyp, qol soqqanmyn. Sonda bular taǵy, jabaıy bolǵany ma? Jo-joq! Imandaı syrym! Táńirim boıyna osynshama qabilet darytqan halyq órkenıetke jat bolyp qalýy múmkin emes. Derekter ınternet  derekkózderinen alyndy