Navıgasııa jol nusqaıdy

2017 jylǵy qysqy Ýnıversıada qarsańynda Almatyda qosymsha taǵy 300-den asa aqparattyq-kórsetý jol belgisi ornatyldy. Ýnıversıada dıreksııasy habarlap otyrǵandaı, sporttyq nysandar men osy nysandarǵa deıin júretin kólik qozǵalysynyń baǵyty týraly jeke jobalaý  belgilerindegi aqparat qazaq, orys jáne aǵylshyn tilderinde kórsetilgen. Jol belgileriniń dızaı­nynda jarystardyń bekitil­gen logotıpi jáne ótkiziletin jarys túrlerine sáıkes sport­tyq nysandardyń pıkto­grammalary beınelengen. Jol baǵytyn kórsetetin belgiler sporttyq ǵımarattarǵa, kó­lik ınfraqurylym nysan­dary­na (temir jol vokzaldary jáne «Almaty» halyqaralyq áýe­jaıy), demalý oryndaryna, sondaı-aq, Ýnıversıada sport­­shylary men qonaq­tary jaı­­ǵasatyn oryndarǵa deıin jetkizetin ońtaıly jol­sapar baǵyttarynda ornalas­tyrylǵan. Sondaı-aq, navıgasııa jú­ıe­sine №4 qalalyq klını­ka­lyq emhana, №7 qalalyq klını­kalyq emhana, jedel járdem kórsetý emhanasy jáne ortalyq qalalyq klınıka­lyq emhana sekildi Almaty­nyń medısınalyq mekemeleri engizilip, ǵımarattardyń qas­beti Ýnıversıada-2017 nysha­nynda bezendirildi. Boljamǵa sáı­kes, Ýnı­versıada qatysýshylarynyń 90 paıyzy tikeleı reıspen Almatynyń halyqaralyq áýe­jaıyna ushyp kelmek. Stýdent­tik oıyndardyń qonaqtaryna jol kórsetý úshin áýe aılaǵynyń ǵımaratynda aqparattyq ústel­der qoıylǵan, onda jalpy kólik qyzmeti, ushyp kelý jáne attaný kezindegi tasymaldaý kestesi, Ýnıversıada resmı kóli­giniń qozǵalys baǵyty týraly aqparat alýǵa bolady. Sondaı-aq, mundaı ústelder «Almaty-1», «Almaty-2» temir ­jol vokzaldarynda da qy­zmet jasamaq. Sonymen qatar, Atletter aýylyna aparatyn joldyń qaýip­siz­digin qamtamasyz etý úshin «Almaty Arena» sport ke­she­nin­iń ońtústiginde B.Mo­mysh­­uly kóshesi boıynda baǵdar­sham ornatyldy. Al «Almaty Arena» sport kesheniniń sol­tús­tiginde bos oryndardyń bar-joqtyǵyn kórsetetin elekt­ron­dyq tablomen jabdyq­tal­ǵan qosymsha kólik turaǵy ornalasqan. Qaırat JÚNISULY