Qalalyq sheshimder bıýrosy qala turǵyndary men bıligi arasynda tıimdi baılanys qurý úshin quryldy. Mıssııa aqyldy tehnologııalar arqyly taraptardyń dıalogyn ornatýǵa baǵyttalǵan. Astana bıligi úsh aı ishinde salalyq baǵdarlamalardy jarııalaıtyn bolady, dep habarlady elorda ákimdiginiń baspasóz qyzmeti.
Alǵashqy tyńdaýlar 12 qańtar kúni qoǵamdyq kóliktiń ózekti máseleleri boıynsha ótken, ekinshi tyńdaý 18 qańtarda PIK jumysyna arnaldy. Bıýronyń mindetine elorda ákimdiginiń saıtynda jáne áleýmettik jelilerde shaǵymdar, pikirler, ótinishter jınaý kiredi. Odan ary túsken ótinishterge monıtorıng júrgizý jáne olardy taldaý arqyly asa mańyzdy taqyryptar iriktelip, olar qala halqynyń qatysýymen qoǵamdyq tyńdaýǵa shyǵarylatyn bolady. О́tkiziletin sharalar sheńberinde talqylanatyn barlyq problemalyq máseleler 24 saǵattyń ishinde BAQ-ta jarııalanatyn bolady. Osydan keıin 15 kúnniń ishinde bıýro sarapshylar qoǵamynan, turǵyndardan jáne barlyq múddeli turǵyndardan keri baılanys alady. Jınalǵan aqparatty óńdep, júıelegennen keıin saýaldar qala bıligine oryndaýǵa beriledi.
Qalalyq sheshimder bıýrosynyń janynan jedel jeli telefony jumys isteıdi: 8700 7172 109. Osy nomer arqyly qala turǵyndarynan habarlamalar qabyldaıtyn WhatsApp messendjeri de jumys isteıdi. Sondaı-aq, info@suraa.kz elektrondyq poshtasy bar.
Eske salsaq, 2016 jyldyń qyrkúıeginen Áset Isekeshevtiń tapsyrmasymen aqparattyq-taldaý toby quryldy. Ol túrli taqyryptar boıynsha aǵymdaǵy jaǵdaı týraly qala turǵyndarynyń syn pikirleri ornalasqan áleýmettik jelilerge monıtorıng júrgizedi.
