Múlikti zańdastyrýda Almaty oblysy belsendilik tanytqan

Múlikti zańdastyrý boıynsha eń belsendi qatysýshylar Almaty oblysynyń turǵyndary bolyp otyr. Olar 385 mlrd. teńgeniń 48,7 myń  nysanyn tirkedi, dep jazady LS Memlekettik kirister komıtetine silteme jasap. Ekinshi orynda 548 mlrd. teńgeniń 25,7 myń nysanyn zańdastyrǵan almatylyqtar tur. Úshinshi oryndy 30 mlrld teńgeniń 12,6 myń nysanymen Aqtóbe oblysynyń turǵyndary enshiledi. Múlikti eń az zańdastyrǵan Batys Qazaqstan oblysy. Onda 3,2 mlrd. teńgeniń 494 nysany ǵana tirkelgen. Odan keıingi oryndarda  13,6 mlrd teńgeniń 691 nysanymen Mańǵystaý oblysy jáne 13 mlrd. teńgeniń 827 nysanymen Qaraǵandy oblysy tur. Tirkelgen turǵyn úıler quny boıynsha 102 mlrd teńgeniń 11,7 myń birligimen Almaty men Ońtústik Qazaqstan oblystary kósh bastaýda. Múlikti zańdastyrý aksııasyna qatyspaǵan adamdardy  Memlekettik kirister komıteti qazaqstandyqtardyń óz múlkin tirkemeýge quqy barlyǵymen túsindirdi. «Qazaqstandaǵy zańdastyrý mindetti emes. Azamattar aksııaǵa qatysý kerek pe, joq pa degen sheshimdi  óz betterimen qabyldady. Eger azamattyń elimizde jáne odan tys jerlerde  múlki men banktik shotynda mıllıondaǵan qarjysy bolsa da, olardy zańdastyrý mindetti emes. Mundaı azamattar  bul aktıvteri zańdy ekonomıkalyq aınalymda bolyp, onyń qaıdan kelgeni zańdy bolsa jáne bul úshin tıisti salyǵyn tólegen bolsa aksııaǵa qatysýdyń esh qajeti joq. Sondyqtan óz aktıvin zańdastyrmaǵandardyń bári birdeı zańǵa baǵynbaýshylar deýge bolmaıdy»,  – deıdi Memlekettik kiris komıteti. niń baǵalaýynsha, eń qymbat múlik Almatyda. Ol orta eseppen 21,4 mln. teńge turady. Odan keıingi oryndarda Mańǵystaý (19,7 mln teńge) men  Qaraǵandy  (15,7 mln. teńge) oblystary tur. Eń arzan múlik Pavlodar oblysynda kórinedi. Bul óńirde múlik quny 1,7 mln. teńgeni quraýda. Arzandyǵy jaǵynan ekinshi orynda Aqtóbe  oblysy (2,4 mln. teńge), úshinshi orynda Soltústik Qazaqstan oblysy (2,7 mln teńge) ornalasqan.