«Aqtóbe» fýtbol komandasyna burynǵy álem chempıony keldi

Argentınalyq jartylaı qorǵaýshy Hýan Manýel Torres «Aqtóbe» komandasymen kelisimshartqa otyrdy. Bul týraly vesti.kz habarlady. 31 jastaǵy fýtbolshy 15 qańtardan beri «Aqtóbeniń» qaralymynda júrdi. Sońǵy ret ol Argentınanyń úshinshi dıvızıonyndaǵy «Chako Ever» ujymynda oınaǵan. Torres kásibı mansabyn 2002 jyly Avelıaneda qalasynyń «Rasıng» komandasynda bastaǵan. Osydan soń «San-Lorensoda» dop tepti. Al 2011-2014 jyldary Ýkraınanyń «Metallıst» klýbynda óner kórsetti. Argentına jastar quramasymen 2005 jyly álem chempıony atanǵan. Bul týrnırde ol barlyǵy 5 matchqa qatysty. Búginde kópshiliktiń ystyq yqylasyna bólengen Lıonel Messı, Serhıo Agýero, Pablo Sabaleta syndy birqatar álem juldyzdarymen birge jattyqqan. Qazaqstan chempıonatynyń tarıhynda Torres úshinshi argentınalyq bolmaq. Buǵan deıin «Atyraýda» Haver Leon, «Suńqarda» Lýıs Rodrıges oınaǵan. Aıta keteıik, «Aqtóbeniń» bas jattyqtyrýshysy Igor Rahaev Torrestiń talantymen etene tanys. Ol «Mentallıst» sapynda júrgende Rahaev bapkerlik alqasynda qyzmet etken.