Topjarǵandar

Elimizdiń soltústik óńirlerinde qazir hokkeıdiń naǵyz qyzǵan shaǵy dese bolady. Osy kúnderi tórt birdeı qalada hokkeıden Qazaqstan chempıonatynyń jartylaı fınalyna shyqqan komandalardyń oıyndary ótip, jeńimpaz atanǵan eki ujym fınalǵa joldama aldy. Sóıtip, «Barys-2» (Astana), «Saryarqa» (Qaraǵandy), «Ertis-Pavlodar» (Pavlodar) men «Beı­barys» (Atyraý) komandalary ara­synda ótken matchtarda qarsy­lastarynan basym túsken elor­da­lyq hokkeıshiler men atyraý­lyq­tar 2010-2011 jylǵy el chem­pıo­ny ataǵy úshin kúresetin bolady. Bul eki komandanyń alǵashqy kezdesýin 6-7 sáýir kúnderi Astanada ótkizý josparlanýda. Jalpy, bıylǵy Qazaqstan chem­pıonatyna 10 komanda qatys­ty. Onda komandalar úsh kezeń boıynsha kúsh synasty. Birinshi kezeńde qarsylastar ózara tórt kezdesý ótkizip, 1-10 oryn úshin oınasa, ekinshi kezeń eki aına­lym­ǵa bólinip, onda jaqsy kórset­kishke ıe bolǵan ujymdarǵa kelesi aınalymǵa shyǵýǵa basymdyq berildi. Al úshinshi pleı-off ke­ze­ńine aldyńǵy eki kezeńde úzdik nátıje kórsetken 8 komanda joldama aldy. Osy pleı-offtyń birinshi aınalymynan súrinbeı ót­kender ekinshi aınalymǵa shyǵyp, básekelesti. Olardyń arasynda joǵaryda atap ótken «Barys-2» (Astana), «Saryarqa» (Qaraǵan­dy), «Ertis-Pavlodar» (Pavlodar) men «Beıbarys» (Atyraý) koman­da­lary bar. Jartylaı fınaldyń ekinshi aınalymy basqa kezdesýlerge qa­ra­ǵanda qyzyqty jáne tartysty ótti deýge bolady. «Barys-2» men «Saryarqa» arasynda ótken bá­sekede astanalyqtar barlyq ja­ǵynan basymdyq tanytty. Má­selen, Qaraǵandyda ótken birinshi oıynda alań ıeleri 2:4 esebimen jeńilse, kelesi matchta 4:1 esebimen utty. Astanada ótken oı­yn­darda da dál osyndaı jaǵdaı qaı­talandy. Birinshi kezdesýde alań ıeleri 2:1 esebimen jeńse, ekinshisinde 1:4 esebimen utyldy. Qa­ra­ǵandyda ótken besinshi jáne altynshy matchtardyń birinshisinde qonaqtar 3:1 esebimen jeńse, ekinshisinde alań ıeleri 7:1 esebimen basym tústi. Al sońǵy Astanada ótken eki kezdesý de alań ıeleriniń paıdasyna sheshildi. Eń sońǵy oıynda «Barys-2» qonaq­tardy 3:0 esebimen utty. Ekinshi qarsylastardyń kezdesýinde Atyraýdyń «Beıbarys» ko­mandasy Erlan Saǵymbaevtyń shákirtterin alty oıynnyń nátı­jesinde tórt ret jeńip, fınalǵa joldama aldy. Osy oıyndarda so­ǵylǵan 25 shaıbanyń 15-in aty­raýlyqtar qaqpaǵa toǵytty. Qoryta aıtqanda, hokkeıden el chempıonaty 1992 jyldan beri ótkizilip kele jatqany belgili. Osy aralyqta О́skemenniń «Qaz­sınk-Torpedo» komandasy 13 ret Qazaqstan chempıony atandy. Qa­zir bul ujym Reseıdiń ashyq birinshiliginde óner kórsetýde. Od­an keıin 2007-2008 jáne 2008-2009 jyldary Astananyń «Ba­rys» komandasynyń mereıi ústem boldy. Bul komanda da qazir Qur­lyqtyq hokkeı lıgasynda baq sy­nasýda. Sonymen birge el chem­pıo­ny ataǵyn Temirtaýdyń «Bolat» (1998-1999) pen Qaraǵandynyń «Saryarqa» (2005-2006) ujymda­ry bir-bir ret ıelendi. Dastan KENJALIN.