Dımash Qudaıbergen Qytaıdaǵy «Singer-2017» án baıqaýynyń birinshi kezeńinde fransýzdardyń «SOS d'un terrien en détresse» ánin oryndap, qytaılyq kórermenderdi tánti etti.
"Osyǵan oraı Qytaı basylymdary Dımash Qudaıbergen týraly jazyp jatyr", deıdi ənshiniń menedjeri Alpamys Shərimov. Onyń aıtýynsha, əleýmettik jeli qoldanýshylary "Qytaı qazaq balasyna tań qaldy", dep jazýda.
Bir aıta keterligi, 14 kezeńnen turatyn baıqaýdyń uıymdastyrýshylary Dımashty konkýrsqa ózderi shaqyrǵan eken.
Birinshi kezeń barysynda baıqaýdyń qatysýshylary, Qytaıǵa tanymal ánshiler de óz tańdanystaryn jasyra almady. Qytaıdyń Sina Weibo (Tvıtterdiń balamasy) áleýmettik mıkroblogyna jazylýshylardyń sany 35 myńnan bir saǵatta 118 myńǵa jetti.
Bir aıta keterligi, tek halyqaralyq júlde alǵan tanymal ənshiler qatysatyn baıqaý Qytaıdyń Chansha qalasynda ótýde. Dımashtyń menedjeriniń aıtýynsha, ənshi osy baıqaý úshin ımıdjin de ózgertken. Al ən baıqaýynyń ekinshi kezeńi kelesi senbi kúni ótedi.
