• 22 Qańtar, 2017

Astana prosesi: kelissóz qatysýshylarynyń tizimi jarııalandy

310 ret

kórsetildi

1 mın

oqý úshin

Egemen Qazaqstan

Syrtqy ister mınıstrligi Sırııadaǵy jaǵdaıǵa baılanysty halyqaralyq kelissózderge qatysatyn taraptardyń tizimin jarııalady. Vedomstvo saıtyndaǵy málimetke sáıkes, kelissózderge qatysatynyn naqtylaǵan taraptar:

Sırııa Arab Respýblıkasy úkimetiniń ókilderi;
Sırııa oppozısııasynyń ókilderi;
Reseı Federasııasynyń ókilderi;
Túrkııa Respýblıkasynyń ókilderi;
Iran Islam Respýblıkasynyń ókilderi;
AQSh ókilderi;
BUU Bas hatshysynyń Sırııa jónindegi arnaıy elshisi.

Aıta keteıik, Sırııa boıynsha kelissózder jabyq rejımde ótedi. «Qazaqstan astanasy barlyq aýmaqtar úshin beıtarap jer retinde kelissózder alańy bolyp tańdaldy. Kelissózder «jabyq esik» tártibinde ótetinin eskere ketken jón», delingen habarlamada. Syrtqy ister mınıstrliginiń baspasóz qyzmeti kelissózder qalanyń jańa ákimshilik ortalyǵyndaǵy «Rixos President Astana» qonaq úıinde ótetinin naqtylap otyr. Halyqaralyq kelissózder 23 qańtarda Astana ýaqyt boıynsha saǵat 13:00-de bastalady.