Jas otbasylarǵa arnap arzandatylǵan úılerdiń jobasy usynyldy

Ekibastuz óńiriniń ǵalymdary jas otbasylarǵa arnap tórt páterli jeke menshik úıdiń jobasyn usyndy. Mundaı úıler naryqtaǵy jyljymaıtyn múlik baǵasynan 2-2,5 ese arzan, dep habarlaıdy pavlodarnews.kz Q. Satpaev atyndaǵy Ekibastuz ınjener-tehnıkalyq ınstıtýtynyń halyqaralyq baılanys pen ǵylymı jumys prorektory Jarylqasyn Qambarovtyń aıtýynsha, tórt páterli úılerdiń sapasy eýropalyqtardyń taýn-haýstarynan kem bolmaıdy. «Ár páterdiń aýmaǵy 82 sharshy metrdi quraıdy. Qurylys kezinde úı avtonomdy túrde qamtamasyz etiledi: sańylaý, kún batareıleri, jel dıirmeni men jylý tartatyn sorǵynyń ornatylý. Mundaı údiń baǵasyn 40 mıllıonǵa baǵalap otyrmyz», – dedi prorektor. Belgili bolǵandaı, ázirleýshiler Ekibastuzda úı salý úshin jer suraǵan, alaıda, bul suraq áli óz sheshimin tappaı otyr. «О́te qyzyqty joba eken. Bul úılerdi Baıanaýylǵa da salýǵa bolady. Turǵyndar men týrıster ony joǵary baǵalaıtynyna senimdimin», – dedi Pavlodar oblysynyń ákimi Bolat Baqaýov.