Prezıdent stıpendııasy tapsyryldy

Almatyda Memlekettik hatshy Gúlshara Ábdiqalyqova Prezıdenttiń tapsyrmasy boıynsha belgili mádenıet jáne óner qaıratkerlerine Qazaqstan Respýblıkasynyń Tuńǵysh Prezıdenti Elbasynyń 2016 jylǵy mádenıet salasyndaǵy memlekettik stıpendııasyn tabys etti. Stıpendııalar memlekettik qoldaý kórsetý maqsatynda Qazaqstan Respýblıkasynyń qurmetti ataqtary men nagradalaryn ıelengen mádenıet jáne óner qaıratkerlerine, sondaı-aq, aıtýly shyǵarmashylyq jetistigi úshin daryndy shyǵarmashyl jastarǵa Qazaqstannyń mádenıetin jasaýǵa, saqtaýǵa jáne damytýǵa qosqan úlesi úshin beriledi. Bıylǵy stıpendııa ıegerlerin quttyqtaı kele, Memlekettik hatshy G.Ábdiqalyqova  «Buǵan deıin tabystalyp kele jatqan  mádenıet salasyndaǵy stıpendııa men Prezıdent stıpendııa­sy biriktirilip, budan bylaı Qazaqstan Respýblıkasynyń Tuńǵysh Prezıdenti – Elbasynyń mádenıet salasyndaǵy memle­ket­tik stıpendııasy dep atalatyn boldy. Bıylǵy jylǵy stı­pendııanyń ereksheligi – áde­bıet pen ónerdiń aǵa býyn qaı­ratkerleriniń quramy sol qalpynda saqtalyp, olardyń qatary jemisti eńbek etip júrgen jastarmen tolyqtyrylyp otyr. 2016 jylǵy stıpendııanyń tolyq quramy  9 % – 25 pen 35 jas aralyǵyndaǵy jastar, 12 % – 35 pen 60 jas aralyǵyndaǵy orta býyn, 79 % – 60-tan asqan    aǵa býyn ókilderi bolyp tabylady. Jalpy, tizimniń 12 pa­ıyzyn ártúrli etnos ókilderi quraıdy»,– dedi. Memlekettik hatshy kezdesý aıasynda zııaly qaýymmen birge ártúrli mádenıet máselelerin talqylap, rýhanııat álemindegi ortaq ister týraly pikir alysty. Elbasy men el Úkimeti kór­setip otyrǵan qoldaýǵa alǵysyn bildirgen jazýshy Smaǵul Elýbaı qalamgerler qaýymyn kópten beri tolǵandyryp kele jatqan qalamaqy máselesin qamtyǵan jańa zań jobasynyń talqylanyp jatýy áde­bıetke jáne onyń ókilderine tanytqan janashyrlyq ekenin atap ótti. Jıyrma bes jyldan beri kúlbiltelenip, sheshimin taba almaı kele jatqan kıno týraly zań jobasynyń da kesh te bolsa qolǵa alynyp, Parlamentke jol tartýy bul saladaǵy kóp túıtkildi retteıtin jańa qadam bolmaq.  Jazýshynyń oıynsha, mádenıetke jasalǵan qamqorlyq – halyqqa jasalǵan qamqorlyq. Al, mundaı qamqorlyq sózsiz jemisin de, jeńisin de bermek. Qalamger Memlekettik hatshyǵa «ulttyń rýhyn  kótergen «Almas qylysh» fılmi sııaqty aldaǵy ýaqytta qazaqtyń dástúrli dinin baıtaq elge taratqan  uly tulǵa Qoja Ahmet Iаsaýı týraly taǵy bir fılm túsirilip jatsa, halyqtyń eńsesi kóterilip qalar edi» degen usynysyn aıtty. Bıyl birinshi ret Elbasynyń Memlekettik stıpendııasyn ıelenip otyrǵan aqyn Baýyrjan Jaqyp atyn ataýǵa tyıym salǵan Alash arystarynyń or­ta­myzǵa qaıta oralyp, shyǵar­ma­larynyń oqyrmanmen qaýysh­qanyna qýanysh bildire kelip, qazaq ádebıetiniń azat oıly, erkin ádebıetke aınal­ǵany táýelsizdiktiń eń úlken jańa­lyǵy ekenin aıtty. Memlekettiń shyǵar­mashylyq ókilderine qoldaý bildirýi olardy jańa shyǵarma­lar jazýǵa jetelep, bıik beles­terge talpyndyratynyn qa­daı aıtqan aqyn júrek­jardy alǵys sózin táýelsizdik tý­raly jyrymen túıindedi. Dos­tyq úıindegi jyly – shyraıly júzdesýde óner men ádebıettiń basqa da dara tulǵalary sóz alyp, eńbegin baǵalaǵan Elbasy men mádenıettiń janashyrlaryna alǵysyn bildirdi. Memlekettik hatshy Gúl­sha­ra Ábdiqalyqova aldaǵy ýaqyt­ta mádenıet jáne óner qaırat­ker­lerimen, ádebıet ókilderimen túrli formattaǵy kezdesýler josparlanyp otyrǵanynan habardar etip, stıpendııa ıeger­lerin sol kezdesýlerge atsa­lysýǵa shaqyrdy.  Bul basqo­sýlar elimizdiń rýhanı-mádenı damýynyń ózekti másele­leri men mádenıet, ádebıet ókilderiniń keleshek shyǵarma­shy­lyq josparlaryn ortaǵa salyp, pikir alysyp, tıisti sheshim­der qabyldaý úshin uıymdas­tyrylmaq. Kezdesý sońynda G.Ábdiqalyqova shyǵarmashyl zııaly qaýym ókilderi «Máń­gilik el» jalpyulttyq qundy­ly­q­taryn ilgeriletýge, Qazaqstan mádenıetin odan ári damytýǵa eleýli úlesin qosatyndaryna senim bildirdi. Aıgúl AHANBAIQYZY, «Egemen Qazaqstan» ALMATY