Ata-ana quqynan aıyrý – shekti jaza

bola tura bul sanattaǵylardyń azaımaı otyrǵany alańdatady Ata Zań boıynsha balalaryna qamqorlyq jasaý jáne olardy tárbıeleý ata-ananyń etene quqyǵy ári mindeti bolsa da, jaýapkershilikten qasaqana jaltarýshylar az kezdespeıdi. Jýyrda Petropavl qalalyq oqý bólimi sotqa talap aryz túsirip, qaraýynda tórt balasy bar N. degen azamatshany analyq quqynan aıyrýdy ótingen. Buǵan deıin de ishkilikke salynyp, bala tárbıesine júrdim-bardym qarap kelgen jaýapker analyq quqynyń shektelgenine, balalardyń memleket qaraýyna alynǵanyna qaramastan, jarty jyl boıy olarǵa birde-bir ret at izin salmaǵan. Taǵdyrlary oılantpaǵan. Balalardy baǵyp-kútý úshin óndirilgen alıment tólenbegen. Qamqorshylyq jónindegi mekeme sotqa qaıtadan qaıyrylyp, shaǵymdy qarastyrý kezinde analyq quqyqtarynan shektelgen sebepterdi joıý sharalary qarastyrylmaǵany anyqtalǵan. Minez-qulqy, turmys jaǵdaıy jaıly aktiler men kýáler túsinikteri negizinde analyq quqynan aıyrý týraly talap aryz qanaǵattandyrylǵan. Qalalyq bilim bólimi ata-ana quqynan aıyrý týraly taǵy tórt talap aryz túsirip otyr. – Byltyr kámeletke tol­maǵan­dardyń isteri jónindegi maman­dandyrylǵan aýdanara­lyq sottyń uıǵarymymen 89 ata-ana quqyqtarynan aıyrylyp, 3 ata-ananyń quqyqtary shek­teldi. Onyń basty sebep­teri – spırtti ishimdikke áýes­tený, jeńil júriske salyný, taǵysyn taǵylar. Aralarynda kámeletke tolmaǵan balalarǵa qatygezdik kórsetý, kúsh qoldaný, psıhıkalyq zorlyq jasaý sııaqty faktiler de bar. Ba­­lanyń óz ata-anasynyń tár­bıe­sine, múddeleriniń qamta­­masyz etilýine, jan-jaqty ósip-jetilýine, adamı qadir-qa­sıe­tiniń qurmettelýine quqy bola tura bul talaptardy oryn­­­da­maı­tyn­dardyń kezdese­tini ókinishti, – deıdi oblys­tyq pro­ký­ratýranyń baspa­sóz hat­shysy Gúlmaıra Kenje­bolatova. Onyń aıtýynsha, ata-ana qu­qynan aıyrý shekti jaza bolyp tabylady. Profılaktıkalyq is-sharalar tıisti nátıje bermegen jaǵdaıda ǵana aqyrǵy shara retinde qoldanylady. Tájirıbe kórsetkendeı, minez-qulqyn, turmys saltyn, bala tárbıesine kózqarasyn ózgertip, ata-ana quqyqtaryn qalpyna keltirgender joq emes. Biraq óte sırek. 4 ata-ana ǵana sotqa júginip, balalardy otbasyna alýǵa ótinish bildirgen. О́mir ESQALI, «Egemen Qazaqstan»