Qostanaı oblysynda byltyr 232 sýısıdtik oqıǵa tirkelgen

О́tken jyly  2015 jylmen salystyrǵanda oblys óńirinde  sýısıdtik oqıǵalar 27 paıyzǵa azaıǵan, ıaǵnı 149 ózine qol jumsamaq áreket, 83 ólimmen aıaqtalǵan sýısıd oryn alǵan.  Oblystyq jastar saıasaty basqarmasynyń basshysy Kenesh Álimjanov  Rýdnyı qalasynda ótken jyly 13 ózine qol jumsaý oqıǵasy tirkelgenin, biraq bul aldyńǵy ýaqyttarmen salystyrǵanda eki ese kemigenin aıtty. Bul jastarmen jaqsy jumystyń nátıjesi ekenin bildiredi dedi. Qaı qalada, aýdanda   sýısıdke beıim adamdarmen jumys nashar júrgizilse, sol jerde ózine qol jumsaǵandar qatary da arta túsken. Oblystyq ákimdiktiń keńeıtilgen májilisinde oblys ákimi Arhımed Muhambetov  ótken jyly ólimmen aıaqtalǵan sýısıdtiń   Qostanaı qalasynda --30, Arqalyqta --32, ózine qol jumsaý  áreketiniń 37 paıyzǵa óskendigin aıtty. Sonymen qatar ózine qol jumsaýǵa áreket jasaǵandar Altynsarın aýdanynda –67, Áýlıekól aýdanynda –50,Qamysty aýdanynda -- 100 paıyzǵa ósken. Qarabalyq aýdanynda  ózine qol jumsap ólgenderdiń  qatary 33 paıyzǵa, Meńdiǵara aýdanynda -- 50, Uzynkól aýdanynda--22 paıyzǵa ósken, al  ózine qol jumsaýǵa árekettengender --233 paıyzǵa kóbeıgen. Uzynkól aýdany ákimi Qanat Sársenbaevtyń aıtýynsha, sýısıd aýdanǵa syrttan  kelgender arasynda jıilegen. Názıra Járimbetova,«Egemen Qazaqstan»