Elordadaǵy «Rıksos» qonaq úıinde Sırııa janjalyn retteý jónindegi halyqaralyq kezdesý (Astana prosesi) óz jumysyn bastady.
Astana prosesine 7 taraptyń ókili qatysýda. Atap aıtqanda, Sırııanyń úkimettik delegasııasyn BUU janyndaǵy osy eldiń turaqty ókili Basar al-Djafarı basqarady. Sırııalyq oppozısııa delegasııasynda shamamen 15 oppozısııalyq toptyń ókili bar.
Reseı delegasııasyna RF Prezıdentiniń sırııalyq retteý máseleleri jónindegi arnaýly ókili Aleksandr Lavrentev basshylyq jasaýda. Túrik jáne Iran delegasııalarynyń basshylary atalǵan memleketterdiń Syrtqy ister mınıstrleriniń orynbasarlary - Sedat Onal men Sadek Hýseın Djaberı Ansarı.
Munan bólek, sırııalyq daǵdarysty retteý prosesine BUU bas hatshysynyń Sırııa jónindegi arnaýly ókili Staffan de Mıstýra men Qazaqstandaǵy AQSh Elshisi Djord Krol de qatysyp otyr.
Kelissózderdiń ashylý rásimi BAQ ókilderine tikeleı kórsetiledi. Odan keıingi kelissózder barysy «jabyq esik» jaǵdaıynda ótedi. Astana prosesi erteń aıaqtalady dep josparlanǵan.
Sýretterdi túsirgen Erlan Omarov, "Egemen Qazaqstan".
