Sot saraptamasy qyzmeti tolyqtaı Ádilet mınıstrligine beriledi

QR Parlamenti Senatynyń Konstıtýsııalyq zańnama, sot júıesi jáne quqyq qorǵaý organdary jónindegi komıtetiniń keńeıtilgen otyrysynda «Sot-saraptama qyzmeti týraly» zań jobasy qaraldy, dep xabarlaıdy QazAqparat. Talqylaýlar barysynda atap ótilgenindeı, atalǵan zań jobasy QR quqyq qorǵaý júıesin damytýdyń 2014-2020 jyldarǵa arnalǵan memlekettik baǵdarlamasyn jetildirýge baǵyttalǵan «Jańa zań jobasy atalmysh saladaǵy zańnamany jetildirý boıynsha memlekettik baǵdarlamany júzege asyrý aıasynda jasaqtalyp otyr. Birinshiden, barlyq sarapshylyq fýnsııalardy Ádilet mınıstrliginiń quzyryna shoǵyrlandyrý. Biz atalǵan zań jobasynda Ádilet mınıstrliginiń qyzmetin tolyq jazyp kórsettik. Buryn sarapshylyq qyzmet Densaýlyq saqtaý jáne Ádilet mınıstrlikteriniń quzyretinde bolyp kelse, qazir ol fýnksııalar bir mınıstrlikke beriledi. Ekinshiden, biz zań jobasynda jańa talaptarǵa saı keletin, jańa túsinikter engizdik. Úshinshiden, zań jobasy jańa Qylmystyq-prosessýaldyq kodekspen, Azamattyq kodekspen, Ákimshilik quqyq buzýshylyq týraly kodekspen sáıkestendirildi. Sebebi qoldanystaǵy sot-saraptamasy týraly zańda keıbir normalar ózge jańa zańdarǵa qaıshy keledi», - dedi QR Ádilet mınıstrligi sot saraptamasy ortalyǵynyń dırektory Isıdor Borchashvılı. Onyń aıtýynsha, zań jobasynyń basty maqsaty - sot-saraptamasy qyzmetin jetildirý, ony xalyqaralyq deńgeıge jetkizý.