Bıyl Qostanaı oblysynda jańa úlgidegi 10 myń kólik shyǵarylady

Bıyl Qostanaıdyń kólik ónerkásibi jańa úlgidegi  10 myń kólik shyǵarýdy kózdep otyr. Keń aýqymdy bul joba qytaı jáne ózbek ınvestorlarymen yntymaqtastyqtyń arqasynda júzege aspaqshy, dep habarlaıd alau.kz Byltyr Qostanaı oblysynda júk kólikteri men aýyl sharýashylyǵy tehnıkasy óndirisi artqan.  2016 jyly alǵash ret 12 elektromobıl qurastyryldy. Kásiporyn ókilderiniń aıtýynsha, bıyl elektrmen júretin kólikter top-tobymen shyǵaryla bastaıdy. «SaryarqaAvtoprom» JShS birlese avtobýs shyǵarý jumysyn bastady. «Ýzavto» kásipornymen jumyla otyryp  iri-jelilik  qurastyrý ádisimen jeńil jáne júk kólikterdi qurastyrýdy qolǵa alynbaqshy.  Bul  otandyq kólik qurastyrý salasynda aımaqtyń aldyńǵy oryndy saqtap qalýyna úles qosatyn bolady. 2016 jyly ónerkásipti 50 paıyzǵa deıin jersindirý maqsatynda salany odan ári damytý úshin  О́nerkásiptik aımaq qurylysy bastaldy», – dep málim etti Qostanaı oblysy ákiminiń orynbasary Roza Kemalova. О́nerkásiptik aımaqty damytýdyń alǵashqy kezeńinde, deıdi Roza Kemalova, qytaılyq seriktestermen birlesip kólik bólshekterin shyǵaratyn zaýyt salý josparda bar. Bıyl  ákimshilik-turmystyq keshen ǵımaraty boı kóteredi. Al aımaqty jalpy damytý ǵa kelsek, ol  otandyq kólik ónerkásibin ınvestısııalyq tartymdy etedi dep atap ótti oblystyq ákimdiktegiler. «Qazir 2 baǵytty qarastyryp otyrmyz. Onyń biri biri qytaılyq seriktestermen JAC-tyń birneshe modelin shyǵarý. Qazir ol is bastalyp ta ketti.  Qondyrǵy tolyqtaı zaýytqa ákelindi. Montajdaý júrip jatyr.  Aldaǵy ýaqytta JAC S3, S5 sekildi tanymal modelderdi shyǵara bastaımyz.  Bıyl   atalǵan modeldiń keminde 300 danasyn shyǵaryp, saýdalaımyz», – dep atap ótti Qostanaı oblysynyń ákimi Arhımed Muhambetov. Oblys basshysy 2017 jyly shyǵarylǵan kólikter tolyq kólemde satylatyndyǵyna senimdi.  Onyń bir dáleli – salystyrmaly túrde alǵanda arzandyǵy.  О́zbek áriptestermen  yntymaqtastyqqa da zor senim artylyp otyr. Qostanaıdyń kásiporny negizinde  qol qoıylǵan kelisimniń arqasynda asa qymbat emes kólikter túrin shyǵarý josparlanǵan. «RAVON modeli ortasha alǵanda  2 mln 600 – 2 mln 700 mln teńgedeı bolady. Al búginde LADA Priora-nyń eń arzany 3,5 mln teńge turady. Iаǵnı 900 teńgege deıin arzan.  Sapasy óte jaqsy. 700 danasyn qazirdiń ózinde О́zbekstanǵa saýdalaý jóninde kelisim bar», – dedi aımaq basshysy. Arhımed Muhambetovtyń aıtýynsha, tek eki baǵyt boıynsha 2017 jyly Qostanaı oblysynda 10 myń kólik shyǵarylady. Peugeot, SsangYong jáne taǵy basqa da ózge kólik markalary shyǵarylatyn eskersek, bul  2016 jylǵy kórsetkishten eki ese kóp.