Búgin Almatyda QR Premer-Mınıstriniń birinshi orynbasary Asqar Mamınniń tóraǵalyǵymen Almatyda ótetin 28-shi Búkilálemdik qysqy Ýnıversıada-2017-ge daıyndyq kezinde qaýipsizdikpen jáne quqyqtyq tártippen qamtamasyz etý jónindegi vedomstvoaralyq komıssııanyń otyrysy ótti.
Almatyǵa jumys sapary barysynda A. Mamın «Halyq arena» muz arenasy, «Suńqar» halyqaralyq shańǵy tramplınder kesheni, Atletıkalyq aýyl jáne «Almaty arena» muz saraıy nysandaryn aralady.
Vedomstvoaralyq komıssııa otyrysy aıasynda memlekettik organdardyń basshylary, qaýipsizdikpen qamtamasyz etýge jaýaptylar, 29 qańtar men 8 aqpan aralyǵyndaǵy Ýnıversıadany ótkizý kúnderi qaýipsizdikpen, quqyqtyq tártippen qamtamasyz etý jónindegi sharalar josparyn iske asyrý barysy týraly esep berdi.
Ýnıversıada nysandary men Almaty qalasyndaǵy qaýipsizdik sharalaryn kúsheıtý boıynsha júrgizilip jatqan sharalar týraly da aıtylyp ótti. Sonyń ishinde, Ýnıversıada qonaqtaryn tirkeýdi júrgizetin sharalar kesheni ázirlengen, Ýnıversıada qonaqtary men qatysýshylaryn alyp júretin ekıpajdar qurylǵan, jol qaýipsizdigin qamtamasyz etetin beketter kúsheıtilgen, Ýnıversıadanyń barlyq nysandarynda táýlik boıy kezekshilik etetin arnaıy toptar qurylǵan. Sharalarǵa shamamen 7 myń quqyq qorǵaý organdarynyń qyzmetkerleri tartylady.
Ýnıversıadaǵa daıyndyq pen ony ótkizýge qatysty júrgizilip jatqan jumystar týraly Almaty qalasynyń ákimi B. Baıbek jáne Almaty oblysynyń ákimi A. Batalov esep berdi.
Vedomstvoaralyq komıssııa otyrysyn qorytyndylaı kele, QR Premer-Mınıstriniń birinshi orynbasary A. Mamın Ýnıversıada qatysýshylary men qonaqtaryn qaýipsizdikpen qamtamasyz etý, sonymen qatar barlyq sport jarystaryn joǵarǵy uıymdastyrýshylyq deńgeıde ótkizý negizgi basymdyq ekenin aıtty.
