Joǵary bolsyn juldyzy

Qazaqstan Respýblıkasy Prezıdentiniń kezekten tys saılaýy kúnin oblys saılaýshylary kóterińki kóńilmen 3 sáýirdiń aq tańymen talasa turyp, óz tańdaýlaryn jasady. Olardy «Bizderdi bir Otan, bir taǵdyr, bir kóshbasshy biriktiredi» degen uranǵa aınalǵan qanatty sóz jigerlendire tústi. Qasıetti túbek halqy – týmysynan sharýaqor mal­shy­lar, munaıshylar erte turǵannyń yrysy artyq dep bek senedi. Osyndaı ıgi daǵdyǵa saı saılaýshylar erteletip daýystaryn halqymyzdyń qalaýly perzenti úshin berýge umtyldy. Qaı saılaý ýchaskelerinde bolmasyn kelýshiler, daýys berýshiler tolas tappady. Ýchaskelik okrýgtik ko­mıssııalarynyń quramy olardy jyly júzben qabyldap, ózderiniń azamattyq paryzyn óteýleri úshin barlyq jaǵdaı týǵyza bildi. Osyndaı uıymshyldyqtyń nátıjesinde tús mezgilinen asa tizimdegi saılaýshylardyń kópshiligi daýys berip úlgerdi. Jumys vahtasyndaǵylar, densaýlyǵy sebepti saılaý ýchaskelerine kelýge múmkindigi joqtar jáne basqalardyń daýys berýine jetkilikti jaǵdaı týǵy­zyldy. Oblys ortalyǵynan shalǵaı ornalasqan árbir aýyl, selo, dala qostaryndaǵy saılaýshylar óz tańdaý­laryn jasaýǵa jaǵdaı jasalǵany úshin rızashylyq­taryn bildirip jatty. Basy baıly bolsa, aıaǵy saıly bolmaq. Mańǵystaý obly­synda Qazaqstan Respýblıkasy Prezıdentiniń kezekten tys saılaýy basybaıly jaǵdaıda bastaldy. Sońy da sátti aıaqtaldy. Bul aıtylǵandy tómendegi derek kózderi jetkize alady. Oblysta daýys berýge tıis saılaýshy­lardyń 94,2 paıyzy saılaýǵa qatysyp, daýystaryn berdi. Bunyń ózi, sóz joq, jaqsy kórsetkish. Bul halyq birliginiń, Elbasymyz Nursultan Nazarbaevtyń ishki jáne syrtqy saıasattaǵy dana basshylyǵynyń zańdy jeńisi. Bunyń ózi mańǵystaýlyqtardyń «Biz Elbasymen birgemiz» degen antyna adaldyǵynyń jeńisi. Sózdiń tolyq máninde – mańǵystaýlyqtar saılaýda álem tanyǵan tulǵaǵa degen alǵys sezimderin aq nıetterimen pash ete bildi. Qazynaly túbek halqynyń osylaısha ulaǵatty qadam jasaıtyn jóni bar. Keshegi Keńes ókimeti tusynda respýblıka basshylyǵyna Kolbın kelýimen dúrildep turǵan Mańǵystaý oblysy jabyldy. Halyq toz-toz bolyp, ón­di­ris sharýashylyǵy shatqaıaqtap qaldy. Tek, elimiz egemen­diktiń kók baıraǵyn jelbiretisimen Tuńǵysh Prezıdentimiz Nursultan Nazarbaev 1991 jyly óziniń Jar­lyǵymen Mań­ǵys­taý oblysyn qaıtadan ashty. Burynǵy qıǵash­tyqty qal­pyna keltirdi. Mańǵys­taýlyqtar bolsa, óz kezeginde El­basy senimin aqtaı bildi. Bul kúnderi Mańǵystaý oblysy respýblıkamyzda ekonomıkalyq-áleýmettik damýy jóni­nen aldyńǵy qatarly oblystyń biri bolyp otyr. Mańǵystaý halqy Nursultan Nazarbaevqa shynaıy qoldaý kórsetý jóninde alda ekenine is júzinde naqty kóz jetkizip, Elbasynyń mártebesin bıiktete tústi. Qazaqstan Respýblıkasy Prezıdentiniń kezekten tys saılaýynyń mán-maǵynasy, tálimi men tárbıesiniń mańyzy erekshe. Bul jaı aldaǵy ýaqytta talaı-talaı saıasatshy­lardyń, tarıhshylardyń, ǵalymdar men saıasatkerlerdiń eńbekterine arqaý bolady dep oılaımyn. Shyndyǵynda bul saılaý elimizdegi demokratııanyń, birligimiz ben tatýlyǵymyzdyń aıqyn kórinisi. Ony Elbasy óziniń kemeldigimen keltirdi. Iаǵnı, ol búkilhalyqtyq referendým ótkizýge qarsy bolyp, kezekten tys saılaý ótkizýge toqtap, ózin eli qoldap, qurmetteıtinin álemge taǵy da pash etti. Bul ortaq abyroıymyz. Ortaq qýany­shymyz. Bul danalyq pen daralyqtyń keremet kórinisi. Endigi maqsat – barsha qazaqstandyqtardy qanattan­dyrǵan «Qazaqstan-2020» baǵ­dar­lamasyn kóp bolyp qoldap, onyń júzege asýyna bir adamdaı atsalysýymyz qajet. Mańǵystaýlyqtar bul rette erekshe úles qosa­tyndyqtaryn saılaý kezinde azamattyq daýys­tary ar­qyly aıqyndap ótti. Daýys berýde aldyńǵy oryn­dardan kórindi. Kóregen halqymyz Tuńǵysh Prezıdentimiz Nursultan Ábishuly Nazarbaev álemdik damý jolymen budan ári de alǵa bastaı beretindigine kámil senedi. Sońynan eredi. Al mańǵystaýlyqtar árqashanda Elbasynyń, elimizdiń senimdi tiregi bola beredi. Táýelsiz qazaq eliniń de, eli súıgen eriniń de juldyzy joǵary bolǵaı. О́mirzaq OZǴANBAEV, Mańǵystaý oblysy ákimi janyndaǵy  ardagerler keńesiniń tóraǵasy, tarıh ǵylymdarynyń doktory. Aqtaý.