Aqmola oblysyna tartylǵan syrtqy ınvestısııa 10,6 mlrd teńgeni qurady

Aqmola oblysyna 223,1 mıllıard teńgeniń ınvestısııasy tartyldy. Onyń 10,6 mıllıard teńgesi syrtqy ınvestısııa, dep habarlady oblys ákimdiginiń baspasóz qyzmeti. «Investorlar tarapynan 355 usynys tústi, 360 keńes berildi, 688 memlekettik qyzmet kórsetildi. 223,1 mıllıard teńgeniń ınvestısııasy tartyldy. Onyń 10,6 mıllıard teńgesi syrtqy ınvestısııa», - delingen habarlamada. 2016 jyldyń qorytyndysy boıynsha kapıtal salýdyń naqty ósimi 2015 jylǵy deńgeıden 6,6 paıyzǵa ósti. Negizgi kapıtalǵa salynatyn eń úlken ınvestısııa qurylymy kásiporyndardyń óz qarjysy. Bul qarjy 45,8 paıyzdy nemese 102 mıllıard teńgeni quraıdy. Ortalyqtandyrǵan kózderdegi qarjy kólemi 34,2 paıyzdy, qaryz qarjysy 10,4 paıyzdy jáne bankter nesıeleri 9,6 paıyzdy qurady. Investısııanyń 77 paıyzy naqty sektor salasynyń damýyna salyndy (171,8 mıllıard teńgesi).