Igiligin halyq kórý kerek

Elbasy Nursultan Nazarbaev halyqqa kezekti Joldaýyn usyndy. Qujatta qarapaıym halyq ıgi­ligi úshin qolǵa alynýy tıis jumys­tar az emes. Solardyń ishinde Jol­daýda: «Jańa tehnologııalardyń engizilýine baılanysty dástúrli salalarda eńbek resýrstary bosap qalatyn bolady. Sondyqtan jańa ındýstrııa quryp, jumyspen qamtýdyń jáne azamattardyń naqty tabysyn ósirýdiń qosymsha múmkindigi bolýǵa tıis», – dep erekshe atap kórsetilgen. Ásirese, jańa nysandardyń paıda bolyp, olardyń paıdalanýǵa berilýi de aldymen turǵyndar úshin tıimdi. Búginde Aqtóbe óńirinde talaı jańa alyp jobalardyń júzege asyrylyp jatqanyna kýá bolyp júrmiz. Sonyń ishinde temir jol boıynda paıda bolǵan tyń dúnıeler qanshama. Bir ǵana Shalqar – Beıneý temir jolynyń aınalasynda ondaǵan jańa eldi mekender paıda bolyp, júzdegen adam jumyspen qamtylyp jatyr. Munyń ózi, qarap otyrsaq, eń aldymen qarapaıym halyq úshin tıimdi. О́ıtkeni, búgingi zamanda jumys tabý ońaı emes. Ekinshi jaǵynan, buryn Almatydan kele jatqan jolaýshy Qandyaǵashty aınalyp, Beıneý jolyna túsetin. Búginde Shalqardan burylǵan soń, Atyraý, Mańǵystaý oblystaryna tikeleı ótedi. Bul da bir halyq ıgiligi úshin jasalǵan jumys bolyp otyr. Aqtóbeniń irgesinde boı kóter­gen rels arqalyǵy zaýytynyń ónimderin dánekerlep, uzyn rels shyǵaratyn kásiporynnyń irgetasy byltyr qalandy. Onyń ekonomıkaǵa, halyqqa tıimdiligi aıtarlyqtaı zor. Bastysy, sol qurylys nysandaryna ondaǵan-júzdegen adam jumyldyrylýda. Iske qosylǵan soń da júzdegen adam jumyspen qamtamasyz etilmek. Qazaqstannyń úshinshi jańǵyrýy osyndaı ilkimdi jobalardy iske qosyp, halyqty jumyspen qamtýdy kózdeıtini aıtpasa da túsinikti. Qanat ÁLMAHANOV, Aqtóbe júk tasymaly bólimshesi kásipodaq komıtetiniń tóraǵasy AQTО́BE