Aqpannyń aıazdy sýyq kúnderi oblys ortalyǵyndaǵy Lomov kóshesi boıyndaǵy sý qubyry jarylyp, senbi-jeksenbi kúnderi taǵy da apatty jaǵdaı oryn aldy. Páterlerimiz, sýsyz, jaryqsyz qaldy. Qalalyq ákimdik apatty bólikterdi sýdan ajyratyp, keshke qaraı apattyń aldyn alý úshin qysym tómendetilipti. Sonymen, 12 aqpan túni tańǵy saǵat 5-ke qaraı sý tolyq óshirilip, jóndeý jumystary júrgizildi. 13 aqpan kúni qalaǵa sý qaıta jiberildi. Taǵy da apat deıtinimiz, Lermontov pen Birinshi Maı kósheleriniń qıylysynda káriz júıeleriniń bitelip qalýyna baılanysty ótken jyly qarasha aıynda tótenshe jaǵdaı jarııalandy. Apat saldarynan qaladaǵy 11 turǵyn úı, birneshe áleýmettik nysandar sýsyz qalǵan-dy. Káriz júıesindegi ortalyq kollektor 45 jyl buryn iske qosylǵandyqtan, qoldanystan shyǵatyn ýaqyty jetken kórinedi. Byltyr qubyrlar jarylyp, qaqaǵan qysta oblys ortalyǵynyń 7,5 myń turǵyny 5 kún sýyq páterlerde qaldy.
Jelilerdegi kez kelgen aqaýlyqty apattyq jaǵdaı dep tanyp, ony bir táýlik ishinde joıý qajet. Qubyrlar men jelilerdiń ábden tozyǵy jetkeni jyl saıyn aıtylyp kele jatqan másele. Biraq, naqty is joq.
Apat saldarynan qazir mektepterde sabaqtar saǵat 8-den 10-ǵa deıin qysqartylǵan túrde ótkizilýde. Balabaqshalar jabyq.
Farıda BYQAI, «Egemen Qazaqstan»
PAVLODAR
