Aqyshev teńgeniń nyǵaıýyna qatysty pikir bildirdi

Qazirgi ýaqytta valıýta naryǵynda turaqtylyq baıqalady, dep jazady 24.kz. Budan basqa, teńgeniń baǵamy syrtqy ekonomıkalyq jaǵdaılardyń jaqsarýyna oraı nyǵaıyp otyr. Bul týraly búgin Qazaqstan Ulttyq Bankiniń Tóraǵasy Danııar Aqyshev «2017-2019 jyldarǵa arnalǵan respýblıkalyq bıýdjet týraly» zań jobasyna ózgerister máseleleri jónindegi baıandamada sóılegen sózinde QR Parlamenti Májilisiniń depýtattaryna habarlady. «Aıyrbastaý baǵamynyń erkin ózgermeli rejımine ótkennen jáne ekonomıka sýbektileri jańa jaǵdaılarǵa beıimdelgennen keıin aıyrbastaý baǵamy obektıvti faktorlarǵa sáıkes keledi jáne óndirýshilerimizdiń básekege qabilettiligin qamtamasyz etedi. Munyń bári Ulttyq Banktiń valıýta naryǵyna aralaspaýy aıasynda bolyp otyr. Biz 2016 jylǵy qyrkúıekten bastap ıntervensııa júrgizbeımiz», – dep atap ótti D.Aqyshev. Onyń aıtýynsha, mundaı saıasat altyn-valıýta rezervterin saqtaýǵa múmkindik beredi. Máselen, Ulttyq Bank basshysy habarlaǵandaı, qańtardyń sońynda Ulttyq qordyń valıýta aktıvterin qosa alǵanda eldiń jalpy rezervteri derlik 92 mlrd dollarǵa jetti. «Bul 2015 jyldyń sońyndaǵy deńgeıden joǵary», – dep qorytyndylady ol.