"Damýdan" bir jylda 10 myń kásipker nesıe alǵan

"Damý" qorynyń baǵdarlamalary boıynsha qarjylyq qoldaý alǵan jobalardyń jalpy quny 2016 jyly 650 mlrd teńge boldy, dep habarlaıdy qordyń baspasóz qyzmeti. Jeńildetilgen qarjylandyrý baǵdarlamasy boıynsha ekinshi deńgeıli bankter arqyly jalpy quny 336 mlrd teńge bolatyn 7053 joba qoldaý tapty. 2016 jyly nesıeniń paıyzdyq ústemesin sýbsıdııalaý boıynsha 2029 jobaǵa jalpy quny 282 mlrd teńge qarjy bólindi. Al jyljymaıtyn múlik jetpegen jaǵdaıda nesıeni kepildendirý boıynsha 1104 jobaǵa 32 mlrd teńge kómek berildi. "Damý" qorynyń jańa baǵdarlamalarynyń arasynda eń kóp tanymaldyqqa ıe bolǵan «Damý mıkro» shaǵyn nesıelendirý jobasy. 2016 jyly osy baǵdarlama arqyly 333 kásipker 502,3 mln teńgege nesıe aldy. Bular negizinen kóterme jáne bólshek saýda, avtokólik pen motosıklderdi jóndeý sekildi 286 joba. «Damý Blıs» tehnologııasy boıynsha 2016 jyly 79 kásipker jalpy quny 1 mlrd 83 mln teńgeniń nesıesin rásimdegen. "Damý Optıma" baǵdarlamasy boıynsha 28 joba jalpy quny 567 mln teńge aldy. Al taǵy 12 joba byltyr "Damý" qory baǵdarlamasynyń kómegimen franshıza ashýǵa múmkindik aldy. Olardyń alǵan nesıe somasy 516 mln teńge.