Qazaqstan Respýblıkasy Úkimetiniń qaýlysy №289

2011 jylǵy 30 naýryz, Astana, Úkimet Úıi Qazaqstan Respýblıkasy Úkimetiniń 2002 jylǵy 19 tamyzdaǵy №918 qaýlysyna tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Qarjylandyrý kózderine qaramastan qurylysqa arnalǵan jobalaý aldyndaǵy (tehnıka-ekonomıkalyq negizdemeler) jáne jobalaý (jobalaý-smetalyq) qujattamaǵa saraptama júrgizý, sondaı-aq memlekettik ınvestısııalar esebinen salynyp jatqan jobalardy bekitý erejesi týraly» Qazaqstan Respýblıkasy Úkimetiniń 2002 jylǵy 19 tamyzdaǵy №918 qaýlysyna (Qazaqstan Respýblıkasynyń PÚAJ-y, 2002 j., №27, 304-qujat) mynadaı tolyqtyrý engizilsin: kórsetilgen qaýlymen bekitilgen Qarjylandyrý kózderine qaramastan, qurylysqa arnalǵan jobalaý aldyndaǵy (tehnıka-ekonomıkalyq negizdemeler) jáne jobalaý (jobalaý-smetalyq) qujattamasyna saraptama júrgizý, sondaı-aq memlekettik ınvestısııalar esebinen salynyp jatqan jobalardy bekitý erejesinde: «Memlekettik ınvestısııalar esebinen salynyp jatqan jobalardy bekitý» degen 2-bólimde: «Bekitý tártibi» degen 2-kishi bólim mynadaı mazmundaǵy 35-1 tarmaqpen tolyqtyrylsyn: «35-1. Qurylys merzimi bes jyldan astam, jylý qýaty 300 Gkal/saǵ. kem emes nemese elektr qýaty 200 MVt kem emes jylý-energetıkalyq keshenniń tehnıkalyq jaǵynan kúrdeli jáne tehnologııalyq jaǵynan baılanysty (kezeń-kezeńmen iske asyrylatyn) obektileri úshin ázirlenetin jobalaý aldyndaǵy (tehnıka-ekonomıkalyq negizdemeler) jáne jobalaý (jobalaý-smetalyq) qujattaasy qurylystyń jıyntyq smetalyq eseptemesinde qurylys qunynyń smetalyq eseptemesiniń 10 %-y mólsherinde tapsyrysshynyń ıeliginde qalatyn qarajat rezervin kózdeýi qajet. Qurylys merzimi bes jyldan astam, jylý qýaty 300 Gkal/saǵ. kem emes nemese elektr qýaty 200 MVt kem emes jylý-energetıkalyq keshenniń tehnıkalyq jaǵynan kúrdeli jáne tehnologııalyq jaǵynan baılanysty (kezeń-kezeńmen iske asyrylatyn) obektileri úshin qurylys qunynyń smetalyq eseptemesiniń 10 %-y mólsherinde tapsyrysshynyń ıeliginde qalatyn qarajat rezervin paıdalaný tártibin ındýstrııalyq saıasat salasyndaǵy ýákiletti organmen kelisim boıynsha sáýlet, qala qurylysy jáne qurylys isteri jónindegi ýákiletti organ júzege asyrady.». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.